* * العام يومن وضعي اسهود وامهود * *

بسم الله الرحمن الرحيم
السلام عليكم ورحمة الله وبر كاته
صباح / مساء الخير للجميع

عـــــــتــــــــاب أصــــــــــحــــــــــاب

العام يوم ن وضعي اسهود وامهود=ياكثرهم اصحاب هاك الليالي

مافيهم رخوم ن ولا فيهم زيود=عيال القبايل من جدود وخوالي

واليو يوم ن صرت مهموم ياسعود=مامنهم اللي قام لو بتصالي

هاذي ثلاث شهور منسي ومجحود=والهم وسط القلب زاد اشتعالي

ماخففو همي ويبغونه يزود= ولاّ وشالمقصود بقطع الوصالي

وأنا الذي مابرت وأنتم لي شهود=تبيّن مواقيفي سوّات الهلالي

موجود وقت اللين والضيق موجود=يلقاله الصاحب رفيقاً موالي

واليوم زال الهم والوقت محدود=ماتنّفع الأعذار مابه مجالي

من صد مادوره وجزيه بصدود=لوكان وقتاً راح بالحيل غالي

ياسعود كان الناس بسّبات ورقود=صاحبكم الرابع سهرله ليالي

وسلامتكم
تقبلو تحيات اخوكم /بدر بن الحميدي