* * الممنوع والمحضور * *

بسم الله الرحمن الرحيم
السلام عليكم ورحمة الله وبركاته
صبحّكم ومسّاكم الله بالخير جميعاً
كسب التحدي دائماً له طعم خاص أبيات متواضعه اتمنى تنال اعجابكم

ليامني مسكت الخط لا جاهل ولا مغرور=ماعرف حزام الأمان ولاعرف إشارات المرور

الكيلو الأول وعانق الممنوع والمحضور=على الله أتكالي والله كل شيً يقدره

التحويله تجي فالخط والتحويل جبريه=تحولني على درباً صعيباً فيه دوريه

والدوريه على الرادار لا رحمه وماويه=على الله أتكالي والله كل شيً يقدره

مشيت امع الدرب الصّعب والناس أتعوّد خايفه=آرد على درب الخطر والموت بعيني شايفه

آطى على روس الحيّايا ورقى راس النايفه=على الله أتكالي والله كل شيً يقدره

وأنا ليامني نويت الدرب ماهاب البرا=تعّرف وكلاً يعّرف يوم السبت ويش اللي جرا

من قاد ربعه للسعد ومنهو عوّد للورا=على الله أتكالي والله كل شيً يقدره

ومادامني عدّيت الدرب وحققت اللي نرتجيه=طموحي للي بعد واللي قبل ما والله نبيه

واللي قعد من الذله مانيب موّقف محتريه=على الله أتكالي والله كل شيً يقدره

عدّيت النايفه من دون لا لكزس ولا همر=على راس الطويله وأعاين بعيني فالقمر

بذن الله أني لاصله لو دونه الموت الحمر=على الله أتكالي والله كل شيً يقدره

يا أهل الحسد وأهل القشر الوبى فيكم منتشر=وأنا صليب الراس مايثنيني عن دربي بشر

وقت القشر كلي قشر لو أني ماحب القشر=على الله أتكالي والله كل شيً يقدره

واللي تحدًاني خبل مايدري وشهي قدرتي=أشوش أليا صارت تحدي والتحدي لعبتي

لو يعّرف ابوي وجداني مايسّتغرب قوتي=على الله أتكالي والله كل شيً يقدره

وختامها قبل أختتم تسمّع ويش الخاتمه=اللي يشعوذ فالمغاره لو يفرّك خاتمه

ماينّفعه بآيات ربي والله أني كاتمه=على الله أتكالي والله كل شيً يقدره

[i][size=5][color=black]أخـــــوكـــــم / بـــــدر بـــــن الـــــحـــــمـــــيـــــدي[/color][/size][/i]