في مرقد عيون الورق !!!

في مرقد عيون الورق تاهت افكار=مني وانا اللي ما نويت افتكرها
ودي بصمتي يجعل الحرف تذكار=وابني جدار الصمت وامحي صوررها
بس الهواجس ما قوت عتمة الغار= واستوقدت نار القصايد شررهها
اخذت ادون للهواجس والاشعار=من غير مدري صرت اسطر خبرها
اصبحت ادون ما نويته بالاسرار=عشقٍ دفين بداخلي مختصرها
حرفين في كلمة لها عزف واوتار=حرفين كلمة (حُب ) ما احلى وترها
نظمت شعري في تعاليق وإسوار=في معصم ايدين الحبيبه ونحرها
صارت حروف الشعر في وصف ميار=تأخذ حلاوة قول ( حُب ) ابثغرها
يعني عذوبة وذوق واجلال واكبار=وبيض الورق بسطورها تفتخرها
فيها القصايد تشغل كبار وصغار=ويا كمَّ راوي بالمجالس نشرها
بنتٍ لها تلفت ارقاب وانظار=متميزة باهداب عين وبصرها
تملك صفات الحسن من غير مخشار=الا شعاع الشمس وحده خشرها
هو ما خشرها في تواصيف وانظار=لكن خشرها في وضاءة ثَغِرها
نسمة نِفَسها تخجل ورود وازهار=خوفي من النحلات تترك زهرها
اصباعها السباب يا هيه لو شار=يم الجبال الصم ذوب حجرها
فيها غنج عفوي وفيها ولع نار=من ساسها لاخر خصال ابشعرها
يا هبه يا كل الصبايا و الابكار=ما منكم الا نقطةٍ في بحرها