عند المكان الي تعرفين اجيني

يالي على شان الموادع تهلين=دمعك على خدك يبيح كنيني
ماودي الدمعه على طرف غالين=ولا ودي ان الي بصدرك يبيني
قدر الغلا معروف من دمعة العين=تشرح غرام لجلها محتويني
لكن ضروفي غصب ونتي تعرفين=من صالحك نبعد وربك يعيني
حبك بقلبي ياغناتي له سنين=سر عن العذال بينك وبيني
في كل ساعه ياحياتي تمرين=ابيك ونتي مثل مابي تبيني
بس الحسد فرق قلوب المحبين=هلي على ذكراه يادمع عيني
اكفخ على طاريك كفخ الجناحين=ودي ولكن وش بقا في يديني
لكن حضي شين ونتي بعد شين=من شان ودن بيننا وادعيني
ونكان زان الوضع تكفين تكفين=عند المكان الي تعرفين اجيني