ياسعود

.
.
.
.

ياسعود والدنيا على الكيف ماجات=ولانهتني من ضيقة الهم ياسعود
طالبك لاتحزن على كل مافات=دنياك ماتبقى على النقص والزود
ياسعود وان جالك من الوقت ميلات=ثم صكت الدنيا على كل نمرود
احذر تقول الحظ في داخلي مات= أحذر تقول الوقت لو طاب محدود
واللي يجر بداخله عشر ونات=لابد ماتفرج مداهيله السود
حزات لو ذقنا من المر حزات= واللي صبر يارد على كل قرهود
خلك جمل زومان عند الثقيلات=واصبر على الشدات والخير موعود
راس العزيز يدوم من قوة الذات=ياخذ على عزه مواثيق وعهود
مايختلف لو كان للضيق صكات=يضرب بها عرضٍ على كل جلمود

.
.
.
.