بعد العوى جرة حِسِين المقالي .. سلطان وان كثرة مشاكلك حلال

السلام عليكم ورحمة الله وبركاته

اخواني الاعزاء
اقدم اليكم هذه القصيده بمناسبة سلامة سيدي صاحب السمو الملكي ولي العهد
الامير / سلطان بن عبدالعزيز آل سعود
واليكم القصيده ودمتم بكل ود

خالد يابن سلطان يا شف بالي = يلي بفعلك تضرب اليوم الأمثال
جيتك وابه علمٍ يدور ابخيالي = ولابه سواك اليوم للحمل شيال
اجمع يابو فيصل قروم الرجالي = عن كل قبيله ايسدنا اليوم رجال
نبغى نجوب الهند ممشى ارتجالي = على القدم ما من وسائل للايصال
وان كان جاء فالعلم حظر اجتوالي = ادعم مسيرتنا بميتين خيال
كفيله بتطويع لندن ومالي = ماهي بدار الهند هندوس الادغال
ولمحمد الرسلان راع الدلالي = نبغى انتحرى كان حيٍ ولا زال
وان كان ميت ما تموت العيالي = نشري من اغلى ما كنز خمسة دلال
وننصى اليمن نرقى الجبال الطوالي = ونجني من البريه الفين مكيال
ماني مقهوي لي رخومٍ خبالي = ولالي على قشر المعاميل منوال
انا عتيبيٍ كريم السبالي = وبسم القبايل كلها لابس عقال
حييت يا سلطان يا راس مالي = سم وتفضل من هل الجود فنجال
بسم القبايل قاصيه والموالي = جينا نهنيك بسلامتك بعجال
شرقي وغربيٍ جنوبي شمالي = مع اهل نجد العين تبكي للاطلال
سلطان شعبك ما قضى الوقت سالي = وانشد ابو متعب يصدقك الاقوال
قدرك ترى بالحيل بالحيل غالي = وهذي مدامعهم كما الغيث همال
شعبك يرحبك وارضك تلآلي = وبسلامتك عم الفرح كل الاجيال
واليوم ترقص من خبرك الجبالي = حتى الذيابه قامة اتجر موال
في حضرة الي من تعآف الزوالي = مقعد سواه فكل حلٍ وترحال
بعد العوى جرة حِسين المقالي = سلطان وان كثرة مشاكلك حلال
ما الومها قد صابها ما جرالي = وانا كذلك صرة للشعر فتال
وهذا بليا شك وضع انتقالي = ماهو بلا بيجر ولاهو بجوال
صوت وصدا لرجلٍ على ادنى احتمالي = لا يمكن اتصمت ولا يقطع ارسال
سلطان وان جارة علانا الليالي = مهما حصل يمشي مع الناس مختال
سلطان والعلقم يعود زلالي = من هيبته وليا احتمى الماقف ظلال
سلطان وان هبت علانا العوالي = مثل الجبل شامخ ولا يوم ينحال
نسل الملوك الضاريه بالنزالي = اعيال اخو نوره على طيب الافعال
كفه على روس اليتاما ظلالي = من مثله الي لجل غزه ثنى المال
ومن مثله الي لا جفى الوقت طالي = من مدته تشبع طواغيت ورجال
لا ذياب ابن غانم لا ولد الهلالي = لا الزير لا عنتر لا حاتم لهم قال
ان قيل سلطان انشرح كل بالي = شهمٍ كريمٍ تضرب ابطيبه امثال

سامي الرقيب