حامض علومك

‏

‏

اليوم انا حبيت اصبحك يالتاج=بالخير وآخذ منك حامض علومك
لوكان ما يرغب سموك بالازعاج=وان قلت لي ما ابيك والله ما الومك
منا الجفا يالمحترم جالك افواج=وتقصيرنا خلاك تنفض كمومك
من حول حول العام كلٍ عنك ماج=معهن ومعهم ما تسامت سهومك
لا ابن عوض الله زاور ولا ابن فراج=ولا الناقد ولا الغامدي جو تخومك
حتى الحفيد اللي على عِدْ هداج=ولا الشاعره تهيظت من رسومك
يالتاج ذا تقديم وابحث عن علاج=لمن يقول للناشده/ يانعومك
لو ان كبده فوقها سمها راج=ومن شاف وجهه قال له ويش قومك
قلبه لما قد فات له صابه خلاج=وللجفن قال الليل ما طاب نومك
بالطوع عانق بكرة التيه مغناج=ياطير دورها ليا ادرجت حومك

‏

‏

عبدالله الصقري ,رحيل معجبون بهذا