طالبك وان كان ربي قبل لا تكبر خذاني / افتح بقوقل ودور للقصيده واستمعها

يا جماهير الـقـصـيـد الـجـزل في عـذب المعاني
صغت لا ابني مـفـرده فـكـري من الجزل انتبعها

بالقصايد قمت اهوجس لا اولدي ذرب اليماني
نـايــف اللــي ســيــرتــه بالـطـايـلـه كلن سمعها

يا احزامي فـي الليالي السود وصدوف الزماني
الوصـايـا والـدك فـــــي شـعـره الـفـاخـر جمعها

قلتها مـن بـعـد مـا جــربـت مــن وقـت ابتلاني
بالـعـذاب اللــــي غــــزا دار الـسـعـاده وانتزعها

البنادم فـي الـحــيـاة يـشـوف درسـاً وامتحاني
والـمـجـرب يـنــصـح اللـي تـو مـا جـرب وجعها

انـصـحـك كـانـك تبي تكسب غـلا قاصي وداني
لـو عطيت الناس مـن دمـك حشا ماتعيش معها

غـلــطــةً تــهــدم غـــلاك ومـنـزلك بيـن العواني
مـا دمــحــهـا مــا عــطـيــتـه للـعـبـاد ولا شفعها

اعشق ارضـا اللـي وعد مـن ينحني له بالجناني
ولا تـفـرط فـي صـــلاةً مـا يــوفــق مـن قطعها

وان عـطـاك الــوقــــت لا تـامـنـه وتـعـود تعاني
اللـيـالـي يـا عــقــال الـــراس تـكـفـا لا تـطـعـهـا

واشتر اللـي بالـوفــا والـطــيـب تـبـنـا لـه مباني
في اللـزوم الـروح قـبـل تجـيـه من دونك دفعها

واتــرك اللـــي فـي لـزومــك لـو نـخيته ما يباني
خـوة الـمـطـفـوق راعــي الطيب عمره ما طمعها

وان خـويك طاح من ضيق اشتعل بين المحاني
روحـك ان كــانــت تـقـضـي لازمـه للـمـوت بعها

الـخـوي فـي سـلـم ربـعـي مــا يـضـام ولا يهاني
كـل قـمـه بالـرواسـي مـن وفــا الــروقـي طلعها

وبـيـن ربـعــك طـالـبـك لا تـكـون مغرور و اناني
الـكــبــر لله خــصـــلــه للــخــلايــق مـا شـرعـهـا

والكذب والعـيـب ما يعـطي الرجل منزل وشاني
والــكــلام اللـــي بـلـيـا فــعــل ســلــعــه لا تبعها

خلك اللـــي يـوصـفـوه الـنـاس كـسـاب السماني
والـحـكـيـم اللـي يـصـيـب بـرمـعـتـه لامن رمعها

وخـل قلبك بحر واهــل الطيب واربوعك مواني
لـو تـزيـد اعــدادهــم مـن طــيــب قلبك يتسعها

جـاك مـاجـربـت فــي عــمــري ومـا قـالـه لساني
مـن وصـايـا والـدك فــي ابـيــوتـه الجزله طبعها

طـالـبـك وان كـــان ربــي قـبـل لا تـكـبـر خذاني
افـتـح بــقــوقـــل ودور للـقـصـيـده واسـتـمـعـها

الشاعر بشير العتيبي

ملكة الرواسي ,ناصر الهواوي ,عبدالله الصقري و 2 آخرون معجبون بهذا

الجووهره ,رحيل