محاورة بين الشاعر أحمد المسعودي والشاعر صالح العازمي

24-12-2018, 10:12 PM

محاورة قائمة الآن.....

الشاعر/صالح العازمي....الشاعر/احمد المسعودي

صالح العازمي

يامرحبا في رواسي نجد باسم الجميع=ترحيبةٍ طيبه للناس وتعمها
سولف علينا يابوتركي بصدرٍ وسيع=مافي داعي تخبط الارض وتخمها

أحمد المسعودي

دام البقا يالمرحب والوفا مايضيع=والطيب يجري مع العربان في دمها
يالعازمي ودنا نبدي معك كل ريع=وان كان تبغى السوالف ياولد سمها

صالح العازمي

الليله الجو طيب من ليال الربيع=الله يديم النعم للناس ويتمها
كلٍ يحاول على الجزله بمايستطيع=ترى المعاني عسلها خالطٍ سمها

أحمد المسعودي

الليله الشعر للشعار جوه بديع=اللي علوم الجزاله دايماً همها
حنا تركنا الوداعه في يدين الوديع=والخوف من واحدٍ في يدينه يلمها

صالح العازمي

العام هذا مضى في خير وأنته مطيع=لو إن بعض الأودام زايدٍ غمها
خلك على أعصابك ليا شفت علمٍ شنيع=بندقك لاتخطي الأهداف وتزمها

أحمد المسعودي

يالعازمي لاتحول عن مسارٍ سريع=مادام وإنَّا عرفنا الغب وش جمها
خلك على موقفك لابد تلقى السبيع=نعرف علومك ونعرف بكْمها صمها

صالح العازمي

حافظ على راس مالك وانتبه لاتبيع=احسب حساب الخسارة لاتجي يمها
لو قلت أنا الفارس اللي فالمواقف شجيع=مايمدح البنت قِدْم الناس غير أمها