تمايل كبار الشيّب بجذوعها وتهوش

‏

يتوق الفواد اليا تذكر قطيع البوش=خواوير شولٍ بين حائل ومعطاري
شراشيح بوشٍ لا ملبد ولا قنطوش=اليا غيطل الحادي على صوته تماري
رعت في قرارت نجد مارددت بالحوش=ذخاير من الجدان ماجابها الشاري
اليا شدوا البدوان فيها طرب وتشوش=تشوبش مع الهوبال في كل مضماري
عبسها شمطر نجد وانوج من الحبشوش=وساع النحور طوال الامتان وكباري
سناد الغوارب زورها ما تنوشه نوش=طوال الرقاب من اللحم عنقها عاري
ليا صكوا البدوان بالعيّلم الجهوش=على اول نجوم القيض بالليل سماري
نقدم لها العبوه وندحم بها المدهوش=نضد الخليط ابها على العقبه اجباري
تمايل كبار الشيّب بجذوعها وتهوش=تعدي عن اللقاي حسكات الاوباري
كلامي عليه شهود لا زنجر المربوش=ولا قلت زور وربنا العالم الداري

عيد بجاد بن شده

عبدالله الصقري ,ملكة الرواسي ,محمد الغنامي و 3 آخرون معجبون بهذا

خيال مطير ,رحيل ,نايف الناجي