* * * * ياهل النميمه * * * *

بسم الله الرحمن الرحيم
السلام عليكم ورحمة الله وبركاته
صباح / مساء الخير للجميع
أقدم لكم هالأبيات وأتمنى تنال أعجابكم

ياأهل النميمـه والوشـى والأشاعـات=ياأهل الحسدّ والحقد وأهـل الضغينـه
يـا اللـي تــدس الحـقـد فالأبتسـامـات=مـايـدخـل المـبـهـم بـروســاً ذهـيـنـه
تبـيـن وســط العـيـن كــل الـعـلامـات=لامــن حكـالـي مـــن يـخـفّـي كنـيـنـه
يااللي تحسـب النـاس مثلـك مخفّـات=مكشـوف عنـد أهـل القلـوب الفطينـه
ماينـفـع المسكـيـن زيــف ودعـايـات=الـلـي عــن الـطـالات تقـصـر يميـنـه
مسكـيـن والمسكـيـن خـلـوه بسـبـات=ولـيـا هــرج بـهـروج هـرجـه يديـنـه
أبنـقـل الـمـوضـوع لـهــل الأهـانــات=لـلـي بـوسـط البـيـت حـرمـه تهـيـنـه
وآليـتـه الـحـرمـه بـكــل الـمـسـارات=مـن المرجلـه مـعـدوم ولـهـا رهيـنـه
يصاحب من تصاحب ولا له علاقـات=لامـن رضـت مسمـوح تطلـق يديـنـه
وليا زعلـت ممنـوع مـا فيـه روحـات=وتـقـطـع عـلاقـاتـه بــكــل الـمـديـنـه
عايش على الهامش ولا فيه نوهـات=وليـا حضـر مجـلـس يـوطّـي جبيـنـه
عايش ومحسوباً من حساب الأموات=ولا حـداً ليامـن غــاب بيـقـول ويـنـه
يامن تحس بضيق لحضات لحضـات=موضـوعـي الثـالـث تـسـمّـع رنـيـنـه
حيـث أنــي ابنقـلـه لـهـل القطـاعـات=يــا قـاطـع الأرحـــام طـيـلـة سنـيـنـه
حـتـى ولــو بالعـيـد مـابــه زيـــارات=لـقـرب لـحـم لــو كــان يـمّـك حنيـنـه
من عاش ما شافـك بحـزن ومسـرّات=لا مـــات مايـنـفـع عـــزاك لـحـزيـنـه
ماتـنـفـع الـدمـعـه لـيـافـات مــافــات=لا تـبـكـي الـمـيّـت بـدمـعــه بـطـيـنـه
وفّــــر دمــوع العين وكــــل الـعـبــارات=لــو كـنـت تذرفـهـا ســوات المكيـنـه
مـا تنفعـك يـا هـيـه وهــذي نهـايـات=تـــراك بـعــد الـيــوم ذكـــرى لعـيـنـه
جمعتهم ما خص مخصـوص بالـذات=وجــه الشـبـه فيـهـم فـعـولً مشـيـنـه
مجموعهـم واحـد و واحدهـم أشتـات=ضـايــع ولا يـعــرف تعـالـيـم ديــنــه
مزيّـن لـه الشيطـان فـعـل الحمـاقـات=مرخيلـه الأسـمـاع وأصـبـح سجيـنـه
يركض مـع الشيطـان بكـل أتجاهـات=وأبلـيـس بالـوسـواس غــذى قريـنـه
نهايـة الموضـوع فـي ختـم الأبـيـات=ونـهـايـة الأنـســان يــدفــن بـطـيـنـه

وســـلامـــتـــكـــم تـــقـــبـــلـــوا تـــحـــيـــات أخـــوكـــم / بـــدر بـــن الـــحـــمـــيـــدي