هات الـقـلـم يـا روق

قـالـو عـــلامــك قلــت مـدري علامي
صدري وطن شن الوجع بـه هجومي

والحزن يطعن خــافقي بـ السهامي
أشــد مـــن طـعــنــة نمر للخصومي

هـات الـقـلـم يـا روق واكـتـب كلامي
واحذر تـقـول اللـــي انكتب لرخومي

تــرى الـرخــوم تـحـب قــول الملامي
مـا تعرف أعـــراف العرب والسلومي

الـقـلـب مـن فـــرقـا المـــواليف دامي
يشكي ألــم يشكي جـروح وسمومي

فـرقــا ولـيـف الــــروح زود سـقـامي
فــرقــاه شـمـت بــي عذول ن يلومي

بـعـده حـشـا مـا ذاق جـفني منامي
خـــاويــت ليلي والـسـهـر والنجومي

واســـج لأمــن صـرت لشوق ضامي
واكتب بيوت الشعر واصــف همومي

يـا مـــن يــــودي للــمـفـارق سـلامي
وبـعـد الـسلام يـخـبـره عــــن علومي

قـولـو لــه أن مـالـه شـريـك بـ هيامي
يـشهـد لــي اللي بـ الخلايـق رحومي

وقـولـو لـه انـي مـــن فـراقـه حطامي
معاد لــي بـ الـصـبـر حـيـل وعزومي

كـنـي يتـيـم ن شـاف ضيم العمامي
صـابــر ولـكـن الـصـبـر مــا يـدومي

يـنـام بـعـد الـــظـــهـر واللـيـل قـامي
وأن نـام يـتـمـنـى أبــــد مـا يـقــومي

انا بـعـد فــــرقـــا حـسـيـن الـقـوامي
مـجـروح لـكـنـي لــجــرحــي كـتـومي

راعــي الحـلا والـزيـن عـالي المقامي
يـا نفس عـــن غيره مـن الغيد شومي

مـا ابـــي لغيره فـي خـفـوقي غرامي
حـتــى لـــو انــه حــرم الـعـيـن نومي

غــلاه فــي قـلـبـي ولـــو غــاب عامي
لـه خـافـقـي لـــو طـال هـجـره يرومي

وخـتـامـهـا والمـسـك مـسـك الخـتامي
بقول بيت ن فـــي هـجـوسـي يحومي

عـن كـل جــرح ن لك جـزيـل احترامي
والـجـرح يـتـجـدد مـعـي كـــل يـــومي

يـفـداك جـــرحـــي والـعـمـر والانـامي
يـ اللـي رقـيـت بـ عـالـيـات الـرجــومي

يـا ظـبــي صـيـادك كـسـيـر العظامي
وعــلاج كسري يـوم تـطـلــب قـــدومي

الشاعـر بشير العتيبي

النجلاء ,صـدووودٓ ,عبدالله الصقري و 4 آخرون معجبون بهذا

النوري ,خيال مطير ,غيمة جنوبية ,محمد الغنامي