ياغايبه

ياغايبه ماغاب طيفك عن البال=ترسم لي الاشواق زولك قبالي
رغم المسافه بيننا اميال واميال=والله مافارق خيالك خيالي
ورغم البعاد الحب يازين مازال=وغلاك باقي مثل ماكنت غالي
بيني وبينك مثل موجات الارسال=احساس قلب(ن)في غرامك موالي
عهد الهوى باقي على كل الاحوال=موفي لك بنوده قديم(ن) وتالي
مهما غيابك طال انا عندي امال=متأمل(ن)بعد الجفا بالوصالي
ان شفت براق(ن)معه رعد وخيال=استبشر وكن الفرج قد بدالي
يفرح فؤادي كل ماهل همال=وتجدد اماله بروق الخيالي
قلبي مثل واد(ن)عليه الدهر جال=صابه جفاف(ن)بعد ماقفيت جالي
الشوق سيرني على دروب الاهوال=ولولا الصبر كان الرجى للزوالي
والياس انا واياه فجهاد وجدال=وده على قلبي يشد الرحالي
ياغايبه مهما غيابك علي طال=يبقى غرامك مثل شم الجبالي

محمد سعد العتيبي

النجلاء ,الملكة ,محمد العواد و 1 آخرون معجبون بهذا

غنجَ