حضرةالمستشار

حر المشاعر حرقني واحتمى ومده=واقف على رجل بين الشك والريبه
ماعاد اميز خطا المجمول من عمده=ضاع الذكا معه في جده والاعيبه
وعيني من اللي تشوفه منه منكمده=النوم عنها طمح والزاد مالي به
ان لدت ايسارها يم اختها الرمده=وليا المدامع تجيب اللي هي اتجيبه
بحضوره انضح عرق لو وقتنا جمده=وان غاب من كثر شوقي قمت اهذريبه
وميعاد عرقوب في مبداه معتمده=كم صدقةٍ له غدت من كثر اكاذيبه
من يذكر اللي برايه كلٍ ايحمده=من ما جرى له ونافعته تجاريبه
قالوا اتحصل طلبك بمجلس العمده=وادور المجلس من اسبوع واغدي به
بيت الشعر منهدم بالشمس واتهمده=عواصف الصيف قالعةٍ مناسيبه
ياحضرة المستشار امد الخطير امده=من فضلك استدركه قبل يعوي ذيبه