أشكرك جدا يا أمير ..بقلمي دموع تجرح

أمير ..تذكر كيف كانت أيامنا مثل العبير
كنت أحبك وأعشقك وأجدد حبي لك كأني الغدير
بس للأسف يا أمير ..
صاب هالحب اللي بينا مرض الفراق
والسبب أنك حملت معاه شيء من النفاق
ورحت عنك بعد ما ضيعت قلبي
رحت وما سألتك ..وين قلبي ؟
زعلت منك حيل حيل يا أمير
زعلت وروحي قامت تدعي كل ليلة للقدير
أنه يرحم حالها بعد المصاب
أنه يخفف آلامها من هالمصاب
/
تذكر يا أمير .. الغالية رفيقتي ..سارة
كنت أحب أزورها ..وتسكن بأقرب عمارة
وأنت كنت تسأل عليها وما تمل
وأنا قلبي من المحبة ما غار وما سأل
/
تذكر لما كنت تبي تناديني بإسمي ..وتغلط بأسمها
كنت تغرس شيء فيني كأنه سمها
كنت أون من الجرح اللي أسمه سارة
بس تناسيته لأجل ذيك الصداقة
وقمت أحبك أكثر من كل يوم
وانشغلت فيك وقلت ياارب دوم
/
ومرت شهور ثقيلة من آخر لقاء وياك
جيت بعدها تسألني ..اشلون الدنيا معاك ؟
قلت وأنا أبغي أعاتب بس قلبي ما رضى
قلت لك بخير أنا بس شوقي ما طفى
وأنت بكل وقاحة ..طلعت من جيبك بطاقة
وقلت لي بكل لباقة ..أنا راح أتزوج سارة
/
انصعقت من الخبر ..وما صدقت
وشفت مضمون البطاقة ..وهم كذبت
كنت أحس بنار تشوي لي ضلوعي
كنت أحس بحرقة تسري مع دموعي
وأنت ساكت وما حكيت
بس فيه كلمة قلتها ..هزتني وبكيت
قلت أنا باخذ لي سارة
محد يشبهها بذيك الطهارة
/
ابتسمت لكلمتك ..وتركتك وقفيت
ورحت أمسح عبرتي لامن بكيت
/
كان موقف صعب ..وأكثر من خطير
كنت تجرفني معاك وين ما تسير
وأنا كنت طوع أمرك وما فكرت بهالمصير
/
تدري يا أمير ..أنك علمتني من هالموقف شيء كبير
علمتني كيف أحسب للحب حساب
وما أتعلق بوهم ..يعيشني بسراب
/
صرت أقوى من كل مرة
وصرت أواجه كل عبرة
وصرت أحط للوقت حساب
/
أشكرك من كل قلبي يا أمير
رغم موقفٍ خلاك بعيني صغير
::

بقلمي الخيالي / دمووع تجرح