هوا هوا تلعات الارقاب داوي

بسم الله الرحمن الرحيم
هذه القضيدة رد على قصيدة الشاعر/ عوض بن رجاء الجذع
التي وجهها التي مطلعها يقول
ياهاجسي سلم على حاوي الطيب * اللي على كل المواجيب حاوي
(الــــرد )
البارحه ليلي قضيته هناديب
فكرت لين الصبح جاله لفاوي
عنيت مع فكري كثيرالمناديب
اتعبتهم بالبحث لجل الشقاوي
ايدورون الترف سيد الخراعيب
اللي لها في نجد دايم حراوي
للشاعر اللي هذب القاف تهذيب
يحبك ويسبك نادراته غناوي
يصوغ بيته واحبكه خالي العيب
شعره مع اهل الشعر حبله رهاوي
شاعر وله بالشعر ميقافن صعيب
يشوش له راسي بعيد المناوي
وفي مفرداته يشتكي علم.ن. تعيب
هوا هوا تلعات الارقاب داوي
لعل من لامك بحب الرعابيب
يكويه من بين المعاليق كاوي
وانا معك بالجاه والا المشاعيب
حنا سلايل مخلفين الهقاوي
والا بعد بالمال نسقيهم البيب
وانطيشه ويعود امره سماوي
والخاتمه صبر.ن. يفك الكلاليب
كم صابرن عداه ربي بلاوي
وانته تخير واستخر عالم الغيب
اللي له المخلوق دايم رجاوي

حاوي الطيب