مشاعرى جات لك ببيوت عفويّه = عشرة بيوت ٍ شكت من طولة غيابك

ارجوك يامنوتى لا تبطى الجيّه = الروح تحتاج لك والعين تهنابك
انته زرعت الغلا وانهل وسميّه = واسقيت زين المشاعر لذة اعجابك
انته رسمت الغلا لوحه طبيعيّه = بروازها الحب صابك لونها صابك
عشق الغلا ينرسم قيفان شعريّه = لاصار ملهم قصيدك سيد احبابك
الحب فى خافقى مليون بالميّه = ناظر عيون الغلا تلقى بها بابك
مهما قطعت الوصل ببقى شماليّه = القلب بيت ٍ خضر مزهر ومتشابك
ومهما الليالى قست باحكام جبريّه = تبقى وليفى وانا بموت واحيابك
مشاعر الشوق عندى نارها حيّه = تشعل خفوق ٍ نطر والوصل ماجابك
ياللي زرعت الغلا في صدر راعيّه = واسقيته الشعر واثمر كيف يهنابك
مشاعرى جات لك ببيوت عفويّه = عشرة بيوت ٍ شكت من طولة غيابك