آخر 10 مشاركات |
|
تاج القصيد .. خاص بنزف شعراء رواسي نجد. بالأسم الصريح .. |
انشر الموضوع |
|
أدوات الموضوع | انواع عرض الموضوع |
16-03-2017, 03:44 AM | #1 |
|
اخذ النصيحه من عقولٍ فطينات ..... اهل التجارب بالحياه الشقيه
مدخل:
مسلم واشجع سالمين النوايا واليا عرضلي كفو صوت ياهوه واسوق قافي سوق مثل المطايا واحشم جنابي عن مخاواة مسفوه وارهي لنفسي من جزال الوصايا لين العقل صفق وثم قال حيوه انا حمد الفي واسوق التحايا في منتدى راسي ومن فيه رسوه جيت اتبع الطيب جزيل العطايا اللي بيوته من جزالته خاووه هو محمد العواد عذب السجايا جزلٍ وقيفانه على الجزل وصوه (ماشاء الله تبارك الرحمن ) يسعد صباحكم/مسائكم لعل هالمقدمه المتواضعه تحكي سبب انضمامي لهذا الصرح الطيب اما عن القصيده فهي مصافحه ولعلها تكون على قدر المقام ، ياهيه خذ مني جديدات الابيات اللي بها الحكمه تسوق المطيه ابيات ماتسوىٰ جنيه وريالات تسوىٰ العقول الفاهمات السويه لاحدرت ماكنها الا الغزيرات مزنٍ بنجد ايامها فوق ميه تروي ضما الضميان من فايتٍ فات ايام جدبٍ في غثاها سطيه اقول فيها ياحمد راقب الذات يجعل لك الله ياولد قابليه وابعد عن اللي لا نوو له سهالات شرٍ على ربعه يجيب البليه خبلٍ يجرونه وراهم مثل شات راحت تتوبعهم تسوق المنيه وابعد عن اللي وسط عقله متاهات ويفاخر بنفسه صباح وعشيه ويعد شخصه شيخ لاقسىٰ المهمات ومنصبٍ نفسه زعيم البريه والا الحقيقه دون مجده مجرات يبطي وهو ماشاف منها الشويه وابعد عن اللي كل ماقيل له هات ماكن ينطق ياعرب بابجديه يهدر ويزبد ويتطاول وشمات لولا ستور الله تهبد ذويه الصاحب طبوعه لصحبه مثيلات وكلٍ تخير في وصايف خويه مير افتهم ياهيه بعطيك لفتات وانته فهيم وعايفٍ للزريه خلك مع اللي يجعل الضيقه اشتات كنه يجاهدها كما المدفعيه اللي على الحد الجنوبي سطيات بكفوف منهو شوشته الحميه ذاك الذي يدمح زللك وخطيات لانه قدير ومدته اجوديه لاجاه خيرٍ راح مادام لحظات لاهله وناسه كانت الاولويه لاهو مفرط لا ولا ايديه بذرات يتبع كلام الله وسنة نبيه وانت اتبعه بالنهج كب الرزالات لا عاش راسٍ *راضيٍ بالدنيه واخذ النصيحه من عقولٍ فطينات اهل التجارب بالحياه الشقيه اللي تجاربهم تنير المسارات واللي تبعهم جنبوه الاذيه هذي نصيحة صاحبك ياحمد جات عندك وسط ربعك تراها هديه مابيلها ياكود سمعٍ وطاعات وابيلها فعلٍ يفوق العطيه كفيتها عن ربع واهل التفاهات لاهل المكارم سقتها في يديه اهل العقل والعرف واهل المروات اللي على الطولات دايم جريه ربعٍ لها بالقاف صوله وجولات والشعر تنقدْ نقدها الشاذليه مخرج : الشعر ماهو كلمةٍ بين قوسين تخدم تفاهات وخراب ورخامه الشعر حكمه ماختلف منها اثنين تخدم مروات وعقول وشهامه وسلامتكم قلمي : حمد الحربي |
|
16-03-2017, 05:20 AM | #2 |
|
حمد الحربي
صح لسانك حتى ترضى ياهلا وغلا مليون ما عليك زود يالغالي ولاهنت الله يسعدك وابرك الساعات والله شرفتني ياحمد بحق وتتشرف رواسي نجد الأدبيه بانضمام الشاعر اللي مثلك وشرواك نورت يالامير |
التعديل الأخير تم بواسطة محمد العواد ; 16-03-2017 الساعة 05:22 AM
|
16-03-2017, 05:24 AM | #3 |
|
حياك الله الشاعر القدير
حمد الحربي نورت الرواسي ربي يسعدك ومصافحة رائعة وراقية ومليئة بأطايب وأزكى الحروف تقديري لك واحترامي |
التعديل الأخير تم بواسطة شموخ الوايليه ; 16-03-2017 الساعة 06:56 AM
|
16-03-2017, 06:18 AM | #4 |
حزب المدمر
|
ي هلا وغلا حمد الحربي
الله الله صح لسانك راقت لي كلماتك لك تقديري لوجودك تحيااتي |
|
16-03-2017, 06:41 AM | #5 |
|
الله الله ابداع وجزاله
ماشاء الله صح لسانك ملايين يالحربي ابيات جزله وفخمه يعطيك الف عافيه وياهلا والله فيك برواسي منورها تقديري لسموك |
|
16-03-2017, 08:27 AM | #6 |
|
الشاعر الحربي
صح الله لسانك مدد بلا عدد ابدعت وامتعت ولاهنت شاعرنا دمت ودام مداد قلمك ورقي حرفك الفاخر تقديري وتقييمي لسموك النجلاء |
مصممتنا المبدعه والمتألقه رحيل الف شكر لك ع التصميم الرائع |
16-03-2017, 09:32 AM | #7 |
|
الله الله
حمد الحربي مرحبا مليون يالجزل ياهلا وغلا ومرحبا بك تشرفنا وسعدنا بأنظمامك لنا في شبكة رواسي نجد الادبيه حللت أهلا ووطئت سهلا اخي الكريم صح لسانك واعلا شانك سجل اعجابي وتقديري يسبقه ختم التميز والتقدير |
|
16-03-2017, 10:41 AM | #8 |
|
اقتباس:
الله يبارك فيك والشرف لي يابعد راسي بتواجدي بينكم وشرواك الطيب يشهد الله اني ماجيت الا اتابعك واتعلم منك واتابع المكان اللي يقدره محمد ويقدر اهله ولا ابي عليها لاشكر ولا مديح لان الفايده بترجع لي مودتي وتقديري |
|
|
|