آخر 10 مشاركات |
|
انشر الموضوع |
|
أدوات الموضوع | انواع عرض الموضوع |
02-03-2016, 06:40 PM | #1 |
|
مجاراه مع احد الاصحاب
صار بعض سو الفهم مع احد الاصحاب وصار بينا مراد ارسلت له انا هالابيات
ياصاحبي قطع العلاقه له اسباب=ماهو بعدل تصد من دون سبه لو منت غالي كان سديت انا الباب=واللحقت مشهاب الردى لين اشبه ترى العتب واللوم سنه للاصحاب=طهور للصاحب ولو زاد ذنبه اشرح لي الاسباب بايجاز واسهاب=قبل الهجر يصفق علينا مهبه ترى الفراق تمرني طيوفه اسراب=لاتحد قلبي ثم يقفي بسربه ماودي اقول الرجاء فيك قد خاب=باب الامل لازال تضويه لمبه اما تفاهمنا وجوك صفا و طاب=ولا فراق وكل واحد بدربه ترى الموده مثل بيت(ن)له اطناب=ويطيح ركن البيت لرخيت طنبه محمدسعدالعتيبي ........................................ وهذا رد الرجال وشلون بزعل وانت من ضمن الاقراب=ما شلت لك فالجوف غير المحبه
ولا نيب انا مقفي ولا بيننا عتاب=وقلوبنا ما تعرف الكرهه دبه انا اغيب من الهواجيس واتعاب=وهموم لا جتني سوات المنبه لولاي أهج مع الخرايم والأغراب=لروح في دنيا العذابات شربه أنا الجريح اللي من الوقت منصاب=وذكر(ن) تطرق فالخيال وتشبه احزن واحاول آلبس الحزن جلباب=واضحك لجل الناس ما تقول وشبه ياصاحبي لا تلحق النار مشهاب=انا أعرف الوصل بعده وقربه واللي شتمنا ما حسبنا له حساب=ما يلحق المقفين غير المسبه |
|
02-03-2016, 07:00 PM | #2 |
|
الله الله
صح لسانك واعتلا شانك بدايه تحمل المشاريه والعتب من باب محبه واخوه نص فاخر ورد وافي من الطرف الاخر كلاكما مبدعين صحت الالسن سجل مروري وتقديري ولك اجمل تحيه |
|
02-03-2016, 08:55 PM | #3 |
|
صح الله السنتكم
وبيض الله وجيهكم واللهـ لايحرمكم من بعض ونعم الصاحب وشلون بزعل وانت من ضمن الاقراب ... مـا شلـت لـك فالجـوف غيـر المحبـه ولا نيـب انـا مقفـي ولا بينـنـا عـتـاب .... وقلوبـنـا مـــا تـعــرف الـكـرهـه دبـــه |
الخط يبقى زمنا بعد كاتبه ،،، وصاحب الخط تحت الأرض مدفون |
02-03-2016, 11:31 PM | #5 |
(-• زائــر •-)
|
صح لسااانك يامحمد وصح لسااان خويك
على هالقصايد الطيبه لاهنتوا بس انت شكلك زعلان عليه لهالحين ليه ماجبت اسمه يوم جبت قصيدته ههههههههههه تقبل مروري وتحياتي |
|
03-03-2016, 12:32 PM | #7 |
|
صح الله لسانك ملايين يامحمد
وصح الله لسان الشاعر معاتبه اخويه ومجارآه رائعه دمت ودام مداد قلمك الشامخ تقديري لسموك النجلاء |
مصممتنا المبدعه والمتألقه رحيل الف شكر لك ع التصميم الرائع |
|
|