|| أْشْتِهي تَمْطِرْ ، وآسيل .... |||

•
•
•

رآح .. العمر / ما باقي إلا حسافه !
.................. وش لِ الصبر ... غير إمنيات ٍ خفيفه !
لو الزمن في طوعنا ... ما نخافــه !
.................. لكن فتاة الوقت ... [ ماهي شريفه ] !

البيّاضْ - ومايْ عيني ... وألف سِكة ، وأمسْ ليلْ
حِلمْ أذْهَلْني سُكوتَه .. ويـنْ جـايْ ، وليـه رَاحْ !


عانِقتْ هَـالسُحبْ صوتْ وعانِدْ الليله ... جِديـلْ ...
فِتنْتي لّبَتْ نِـدايْ ... وقاوِمـتْ ضَـربْ الجِـراحْ !


سالْ هَ المَفْرِقْ دمُوع ... وعيّـت عروقـي تِسيـلْ
وماتَتْ اللحْظَـة وقامِـت قِصـة ٍ كِنهـا مُـزاحْ ....


قَف لا تَنطرْ رجـوع ٍ ... يشبـه أشيائـي هَزيـلْ !
رِحْ لا ترجـي ألمّـكْ وأشربِـكْ قَبْـل الـمَـراحْ !


المِسا ما كانْ طيّـب ... حشـرجْ بِصوتـي طويـلْ
والصباح أعبْس منْ إني أضْحَكْ بِـ/وجه الصبـاحْ !


وأنتي ( يُمه ) لا تواسي خاطـري دمعـي أصيـل ْ
مـا يفـارق/ لـو يفـارق ! لا ولا يَقْبـلْ يُـزاحْ !


لملمي كلك / وبعضـي عاجـز ٍ أزرى ... يشيـل !
شال بَعْضه ، بَسْ بعْضَه شَـدْ مِـن أزره وطـاحْ !


إسمعي لَجةْ عروقي ... سامري صـوتْ العويـلْ !
إضحكي لَ الناس دوني وإشربي حِلمي ... قَـراحْ !


إيه ( يُمه ) لا تخافي من بُكا ! عنـدي ... قليـل !
لو تسمعتي فراشي مـن دموعـي ! كـان صـاحْ !


إرحلي عَن أمنيـات ٍ تشبـه أجزائـي ... دليـل !
عن رداتْ الحَظْ ..... ولاّ عـن مفاهيـمْ المُبـاحْ !


أحتري قطرة سحابه ! ( أشتهي تمطـر) وآسيـل !
مِنْ فسادْ الأرضْ ودي أغْسلْ ضلوعـي (صَـلاحْ) !

أعظم شعور ... يصوّرك في بعادك !
.......... غرفة وضي أحمر وشقرا أميره !
دايم تسافر ... بس ، تنسى ! ودادك ...
.......... وتنسى بِ أني في إنتظارك / كبيره !
مَـ أوفي عشانك ... بس أوّفي جنابك !
.......... بِ المختصر مَـ أملك نوايا / حقيره
سافر ! غِناكْ التذكره ... معْ ثيابك !
.......... وانا تسافر داخلي ألف .... ديره

دمتم بود...~

ملاك

يسعدني ويشرفني المركز الاول امام ماخط قلمك المميز

سجلي التقدير والاعجاب

اقتباس:

المشاركة الأصلية كتبت بواسطة محمد الروقي

ملاك

يسعدني ويشرفني المركز الاول امام ماخط قلمك المميز

سجلي التقدير والاعجاب

ممتنه لحضوورك المشرف

تحيتي

ابيات في غاية الروعة جميلة بكلماتها

جميلة بمعانيها . كتبتي وابدعتي

سلمت يمناكِ التى نقلت لنا هذه الرائعه
وسلم ذوقك الجميل على هاذا الأختيار ولا
تحرمينا جديدك يالغلا
دمتى بود
تقبلي طلتي وبصمتى

ولكِ صادق الود ,,.

اقتباس:

المشاركة الأصلية كتبت بواسطة عروق الغلا

ابيات في غاية الروعة جميلة بكلماتها

جميلة بمعانيها . كتبتي وابدعتي

سلمت يمناكِ التى نقلت لنا هذه الرائعه
وسلم ذوقك الجميل على هاذا الأختيار ولا
تحرمينا جديدك يالغلا
دمتى بود
تقبلي طلتي وبصمتى

ولكِ صادق الود ,,.

الجمآل هنآ اكتمل بحضووورك العطر

مودتي