ابن الباديه

‏

حديتك* على* الديره وشبك غثا ماباه=من الصرف والمشوار والقيض حاديني
انا في* ضيق* وفيك* ضيق* نبا* نكناه=مع الوقت* ياصبري ونا الضيق مذيني
ماعاد الي حيل يالمغاتير فالمضماه=اسوق* الفلوس**ولا انظر الناس تزيني
ليا بان طرف سهيل جتلي على المشهاه=تجينا العلوم من ايسر الدار ويميني
وسوقك على هرش بناته من المنقاه=عسى الله ليا سقتك من الهرش يعطيني
وتزين* العلوم* وكل* عرق* ينز* ابماه=ويقعد* بعبي كل* ماتلزم* ايديني
على وجهة ماطبها من يحوش الشاه=مداهيل للبل* والبكار* المزاييني
اسج القدم مع رقرق مخلي مااحلاه=بعيد عن الي ماتبا شوفته عيني
اسير على الي للطراقي برز مركاه=بشوش ضحوك مايعقد الحجاجيني
مهوب من يشيل الكبر خبل بليس اعماه=كثير الردا والشين ف ادنا المواليني
تزين البيوت الراعي الذود في مفلاه=ازين* بيوتي* والطواريق* تعطيني
هذا مدح فالطيب للطيبه وفعل ايداه=وهذا وصف للبل والفريق المحيليني
ليا روحت تبرالها كن يد ها* ارغاه=تخطا تشد الجسم* ويهز* ويليني
علاها اشقر شط الحوار العفر غطاها=عسى من عطبها يسلمون المصليني

ريم الفلا ,عبدالله الصقري ,ملكة الرواسي و 2 آخرون معجبون بهذا

الجووهره ,رحيل

الله الله
صح لسانك شاعرنا حتى ترضى
ولاهنت على هالرائعة
إبداع غير مستغرب

اقتباس:

المشاركة الأصلية كتبت بواسطة رحيل

الله الله
صح لسانك شاعرنا حتى ترضى
ولاهنت على هالرائعة
إبداع غير مستغرب

يسعدلي قلبك يابنت الرجال
مرورك وساااااااااااااااام يارحيل وتسلمين على التنسيق
خليك قريب مني مايمنعني الا التنسيق عيا يجي معي الصندوق الماسي قديم
وعيا يفتح معي

رحيل معجب بهذا

تم التنسيق

مرحبًا بابن البادية
صح لسانك على القصيدة الرائعة وعادتك الإبداع
ولاتحرمنا من طرحك ،وتقديري لك

اقتباس:

المشاركة الأصلية كتبت بواسطة الناقد/عبدالله الروقي

مرحبًا بابن البادية
صح لسانك على القصيدة الرائعة وعادتك الإبداع
ولاتحرمنا من طرحك ،وتقديري لك

هلا ياعبد الله
مرورك شهادة فخر الله يسعدك فالدارين
وصح كلك عن كل شر ياذيبان

الروقي
صح الله لسانك ملايين
ابدعت وامتعت كما تعودنا من سموك الابداع والحضور المميز
دمت ودام مداد قلمك ورقي حرفك
تقديري لسموك
النجلاء

اقتباس:

المشاركة الأصلية كتبت بواسطة النجلاء

الروقي
صح الله لسانك ملايين
ابدعت وامتعت كما تعودنا من سموك الابداع والحضور المميز
دمت ودام مداد قلمك ورقي حرفك
تقديري لسموك
النجلاء

هلا بنجلاء العيون هلا بالذوق يارعية الطيبه
صح بدنك لين تقولين خلاص الله يرفع قدرك يابنت الرجال