احدى روائع الشاعر الكبير/ مدغم ابو شيبه

البارحه معطيني الفجـر نحـره


وانا علي مـن الليالـي ماعلـي


سمعني القمري على غصن شجره


صوتن شربني من علوي لاسفلي


تدافعـت مشاعـري علـى ثـره


غنى على الخالي وانا ماني خلي


باقي معي من وسعة الصدر شعره


والنار تصلاني على كبدي صلـي


واليا ذكرت العفو عنـد المقـدره


تحاملت نفسي على كبـر زعلـي


لازال في الدنيا مساحه وسفـره


المبتلا في غيـر دينـه مابلـي


درسن عطانيه الزمن من دفتـره


خلا مزاجي في التعامـل مايلـي


مالي ومال الناس من حب وكـره


محدن بداخـل جنـة الله بعملـي


الطيب اخاويـه لوطـال سفـره


واشيل حمله فوقي وفوق جملـي


والخبل لوجاملت رايـه ونظـره


لاثر علـى رزقـي ولامستقبلـي


وان شفت في خشمه نعافه ونعره


حذفته بجلمود صخرن من علـي


تجمهـروا يالعالـم المتجمهـره


واردوا على رسن يغيب ويمتلـي


لاحدن يصدق صورته في المنظره


القرد ماله في عيون امـه حلـي


لو يقلط الطيب على ولـد المـره


ماعيـن الدلـه ولاراس الطلـي


انا هنا وتفـوح ريـح العنبـره


بحرن مايغرف بالحبال وبالدلـي


ادور اللـي يرفـع الـراس دوره


مانيب شراي الرخيص اليا غلـي


عن قطة الكشتات خمسه وعشره


تعوضني وقفة عزيزن من هلـي


اندى من كفوف البخيل المقبـره


تستقبل الموتى وعيـت تمتلـي

ملكة الرواسي ,رحيل معجبون بهذا

صح لسان شاعرها
وصح نقلك محمد القحطاني ،
ولاهنت على الأختيار الجميل .

محمد
يعطيك العافية ولا هنت على نقلك

هلا وغلا يارحيل

الف الف الف شكر على المرور الرائع

هلا وغلا ياملكة

الف الف الف شكر على المرور الرائع

اختيار جميل جداً
دمت بخير وسعاده دائمه

قصيده جزله وابيات. رائعه

صح لسان شاعرها المبدع مدغم بن شيبه

ويعطيك العافيه محمد القحطاني

على اختيارها ونقلها

هلا وغلا ياسحاب

الف الف الف شكر على المرور الرائع