تحدني نفسي

تحدني نفسي علي الهون وتخيب=وأحدها للطيب غصبن وطرقا
مهما سنين العمر هزل ومجاديب=والهم يكوي ميسمه ويتعرقا
طبعن لنا نبدي برووس المراقيب=ونشمخ بهامتنا علي كل برقا
واللي جعل بالخلق فرق وتراتيب=ومن حكمته خلا السما فوق زرقا
ان الردي دربه نجنبه تجنيب=لو هو ملك في القاع غربن وشرقا
ما حن نبدل بالثعل خوة الذيب=معه معه للرجم نصعد ونرقا
صديقنا الوافي نجآزيه بالطيب=ولا العدو بالنار نحرقه حرقا
حن والنشاما مثل ضيف ومعازيب=شجرة وفاء بالعز تخضر وورقا
علي النقي والصدق شبنا وبنشيب=الين داعي الموت يقبل بفرقا

حمد بن سايمه

الملكة ,صـدووودٓ معجبون بهذا

حمد بن سايمه
صح لسانك وصح بوحك
ع القصيده الجزله
لك تقديري وتقيمي لسموك
تقبل تواجدي هناا
صـدووودٓ

صح لسانك ي محمد
قصيده راااائعه من شاعر مبدع
تحيااتي الك

حمد بن سايمه

صح لسانك ولا هنت

يعطيك العافية على جمال ابياتك

صح السانك وكفوو ابيات لا تصدر
الا من شاعر مميز وانت كذاللك دم النبض والعطاء
وصح السانك حد رضاك ....اجمل وارق تحية

حمد بن سايمه
صح لسانك يالجزل
ابيات جميله وجزله
من شاعر جزل ومبدع
لاهنت يااخوي
يعطيك العافيه
تقديري لك

صح الله لسانك يابن سايمه
جزل ومبدع وشهاتي فيك مجروحه شاعرنا
دمت ودام مداد قلمك ورقي حرفك الفاخر
تقديري لسموك
النجلاء

الله الله
حمد بن سايمه
صح لسانك مليون
نص جميل وجزل من شاعر جزل
سلمت ودمت شاعرنا
ممروري وتقديري
لاهنت