اللي علي اخلفك

اللي علي اخلفك مايلحقه لوم =هذا العذول و كلنا عاريفنه
عليك كل اللوم من قبل واليوم=وش يعذرك لو تاخذ العذر دِينه
اغليت سومك وانتي ارخصتي السوم=واظهرتي قناع الغدر ترتدينه
وقسمت لك من صادق الود مقسوم=ورهنت لك قلبي وروحي رهينه
الواشي اللي ساق لك عني علوم=قد ساقها لي قبل واقسم يمينه
صديت جيش(ن)كله رماح وسهوم=درعي غرامك يوم كنتي ثمينه
طعنتني طعنت غدر كلها سموم=اثرك مع ركاب العدى مقتدينه
خليتي طيور الجزع فوقي تحوم=وقلبي من عروقه تفجر غبينه
اثري على درب الهوى كنت منجوم=عيني تشوف الشوك واقول زينه
واللي علينا نزل كتاب مختوم=ماغفر لك ذنوبك ولو بعد حينه
هذا كلامي صادر(ن)بعد مرسوم=يابعدك عن القلب لا ترتجينه

محمدسعدالعتيبي

أقف عاجزه لتعبير عن هذه القصيدهـ..

الرائعه .. فهنيئاً لنا بصاحب هذا القلم..

الرائع .. فمرحباً بكـ وبقلمكـ الذهبي..

تقبل مروري ..

دمت بود.

مرورك العطر واشادتك وسام فخر لي
اشكر مرورك الشامخه

الله الله
ياسلام عليك وصح الله لسانك شاعرنا
جزل ومبدع كما تعودنا من سموك الابداع والامتاع والحضور الملكي
دمت ودام مداد قلمك ورقي حرفك الفاخر
تقديري وتقييمي لسموك
النجلاء

صح حالك يالنجلا
واشكر مرورك واشادتك وتقييمك

صح لسانك مدد بلا عدد يامحمد
قصيد جزله من شاعر لايستغرب عليه الجزاله والابداااع
تحياااتي وتقديري الك

صح السااانك يالجزل
ابيات جميله وممتعه قرائتها
لاهنت ودمت سالم ياارب

الله الله الله
محمد سعد العتيبي
صح لسااانك مليووون ولايسدووون
نص فاخر فاخر وجميل لابدع الحدود
سجل اعجابي وتقديري الابدي
ولك اجمل تحيه