محمد الفراج .. مطلووب للاهميه

السلام عليكم .. ورحمة الله وبركاته
مسائكم كما تتمنون ..

وهذه الابيات البسيطه لأخي محمد الفراج
واتمنى من المولى .. انها تكون قد المقام


ي محمد الفراج يوم الطلب لي
ابيك ترسل مطلبي من طلب له

ماشكي على مفهوم من لاقرب لي
ولا ابوح للي خاطري ماقرب له

وانته ولد عمي حزامي وحبلي
يوم ان بعض الناس مقطوع حبله

اشكي من الضيقه على قلب مبلي
والهم حاوطني وقلبي نشب له ..

ب اسباب من سافر وخلى التعب لي
واقفى وانا شلت الدعاء والعتب له

من فيض قلبه كل ليله سكب لي ..
وانا دموعي كلها ... تنسكب له

قال الوداع وصار همي حطب لي
وانا رميت ضلوع صدري حطب له

مابي وداعه يوم ضيقي طرب لي ..
وابا الفرح .. والتمشيه هي طرب له

واختامها .. مدري وش اللي كتب لي ..
لكن ياجعل العافيهه .. تنكتب له

الله الله
صح لسانك ياسامي
والله ابيات حلوه وجميله جدا
الله يعقل عليك اللي سافر ويرجع بالسلامه هههههه
ننتظر مجارات الفراج
دمتو بخير

صح الله لسانك ياسامي
ابدعت وامتعت بهذه الرائعه
اسنتدتها لشاعر هرم وفي انتضار الفراج
تقديري لسموك
النجلاء

صح لسانك شاعرتنا
قصيده رائعه من احساس شاعر مبدع
دمت بخير وسعاده دائمه

الله الله

صح لسانك

مليوووووووووووون ولا يكفوووووووووووووون

قصيده جزله ولا هي غريبه عليك

ولله يعين قلبك هههههههه

محمد الغناإمي ..

صح بدنك .. طال عمركك

وكل الشكر لك ي جزل على المرور ..


محمد الفراإج ..

صح بدنك .. ي بعدي

وكل الشكر لك على الحضور الطيب

وانت تستاهل .. ي جزل

لاهنت لاهنت ..


النجلا ..

صح بدنك ومرحبا بك ..

شرفتي ي النجلاء ..

كل الشكر لك مداد البصر واكثر ..


الريم ..

مرحبا بك ..

وصح بدنك .. ي بعدي

كل الشكر لك على الحضور الطيب


لاهنتوا جميعا ..

الله عليك ي سامي ابيات في قمه الروعه والجزاله ولاهي غريبه عليك ؛؛ ابداع شعور ونبض مشاعر وعذوبه احرف ؛؛ راقت لي كثيرا ؛ ودي وتقديري لك ..

مبدع وكلمة روعه قليله فيما وجدت هنا

صح لسانك ويستاهل الفراج