العتب ماهو زعل

العتب ماهو زعل لوضايقك كثر انفعالي
وانت لو ازعل على كل البشر ماازعل عليك

بس لاطال الغياب وضاقت صدور الليالي
سقت لك ماجا على البال وتحمل مايجيك
يوم شفت الكون كنه في غيابك شبه خالي
صحت في وجه الزمان وقلت فيك وقلت فيك
ضاقت وساع الفجوج بعيني وزاد انشغالي
وين رحت؟ وليه رحت؟ ولي متى وانا احتريك
كنت ادور في عيون الناس اجابات لسؤالي
يمكن اعرف وين رحت وليه رحت وكيف اجيك
كنت اقول لكل شارع ( ماوطتك اقدام غالي)؟
من كثر ماكنت ابي قربك وابي دربك وابيك
كنت عنك..اسأل نسيم الصبح لامر متعالي
ماحمل يمي على دربه جواب من يديك
وامتلا صدري عتب وانت السبب في ماجرالي
ومن بعد هول التعب جيت اشتكي لك واشتكيك
تدري انك كل عشقي وان غيرك ماطرالي
وانك بقلبي لحالك وان مالك به شريك
وان قلبي لو تفجر بالعتب وقت انفعالي
زاعلٍ منك ..وغيابي مايزعلني عليك

انتقاء فاخر ياجولييت

مشكوره ولاهنتي

جولي
يسلم ذوقك الراقي ياذوق
انتقاء جميل بجمال وروعة حضورك الفاخر
تقديري لك
النجلاء

روعة جولي تسلمين ويسلم ذووقك .. دمت بكل الحب

كنت ادور في عيون الناس اجابات لسؤالي
يمكن اعرف وين رحت وليه رحت وكيف اجيك

كنت اقول لكل شارع ( ماوطتك اقدام غالي)؟
من كثر ماكنت ابي قربك وابي دربك وابيك

الله الله عليك ياجوولي تلامس القلب وراقت لي والله ..
صح لسان شاعرها انتقاء مميز ورائع بروعة حضورك يالغلا ..
ودي وتقديري ..

كل الشكر لجميل حضوركم وتوـآجدكم العطر بموضوعي*

دمتم بسعاده;;

جوليت
يروق لي ماوجدته هنا
صح لسانك انتقاء ذوق ياذوق
سجلي مروري يسبقه اعجابي
دمتي بخير وسعاده

الغنامي...

كل الشكر لجميل حضورك وتوـآجدك العطر بموضوعي*

دمت بسعاده;;