![]() |
|
تاج القصيد .. خاص بنزف شعراء رواسي نجد. بالأسم الصريح .. |
![]() |
انشر الموضوع |
|
أدوات الموضوع | انواع عرض الموضوع |
|
![]() |
#1 |
![]() ![]() ![]() ![]() ![]() |
![]() يقول محمد بن فراج الغنامي قال اللذي في عالي الرجم راقيه = وخيول فكره قدم وصفه سرجها أرتاح لامني توسقت عاليه = والنفس تنسى همها اللي ولجها نقيت من حلو المعاني معانيه = والهاجس اللي في ضميري نسجها طارٍن على قلبي من أحلا طواريه = الديره اللي موحشتني حرجها قم ياشبيه الذيب مبعد مساريه = اللي يبت الطرقه ليا نهجها اللي هذيبه فالخلا مايعنيه = ليا نوى صعب المخاطر فلجها ولّم على اللي نازح البعد يطويه = طوي المحاله للرشا لاعلجها جيب الشبح صنع اليهودي مسويه = اللي مايعرف كيف يرطن لهجها صمم ولايبغاله أحدٍ يوفيه = في طرقته نفس الدريول بهجها نبي نسج الرجل والعمر تاليه = السيب الابيض والمطيح بزلجها لو كنت أعرف الوقت ماني بغاويه = يضيقبك لو هي وساعٍ فججها نبي ثلاث أيام كلٍ يسليه = شوف الخباري يوم ربي دلجها فالموقع اللي لاوصلنا حراويه = شفنا القطا فيها وشفنا درجها وأرضٍ كساها العشب والخير كاسيه = يشبع جملها عقب يشبع نعجها وأرتاح يايوسف من اللي مبانيه = أتضيق الخاطر ويبطي فرجها لو كان لي في ظلم غروٍ مهاويه = اللي عيونه لجل عيني دعجها اللي هواه بداخل القلب كانيه = وأسمه ليا طروه كبدي رهجها وأنا عن علوم الحكي دوم أداريه = من خوف هرجة هارجٍ لاهرجها وختامها ياشاعرٍ في مباديه = جزل القصايد للهزل ماعوجها ولّّم على اللي نازح البعد يطويه = للديره اللي موحشتني حرجها =====فرديت علية بهذا الرد===== يارجم ياللي دايم أروح وأجيه = وأروض المهره عقب مادرجها أحضر الهاجوس دايم وألاحيه = في معزلٍ والناس مسمع ضججها أخذ جزيل الشعر والهزل أخليه = وأثبّت العمدان وأجبر عرجها يامرحبا بالخط ياحي راعيه = حي البيوت اللي جذبني غنجها للشاعر اللي ننطرب له ونوحيه = روس الشوارد صيدته مابعجها يلعب بعسر القاف من حر مافيه=يرهي على الجزله ويرفض حججها شاعر ولد شاعر وينشي مناشيه= والبرق من قدم الرعود ولججها شرد الفرايد ماتعدا مراميه = في مخدجة فكره بيوتته خدجها لاوحيت قافك يامحمد تغنيه = ميزت مابين العقول ورججها أنت الرفيق اللي بالاثمان نشريه = يامسعف الريجيل ساعة حرجها صاحبك مدة سجتك ماتكفيه = يوم المطر نصف الميبس عوجها أنوسع الخاطر بشوفة خباريه = فضل الكريم اللي له الناس وجها وأنا معك في كل دربٍ تتعطيه= وش لي بدارٍ مابقى الا حدجها سج القدم والهم يلقى مداويه = يوم المطر حاف الرقاق ودرجها شوف الربيع اللي نبت بأمر واليه = سر النواظر والخواطر بنجها صوت أم سالم كل وقتٍ نلاحيه = أخير من بعض الديار وهمجها والحب ماله خاتمه لو تصافيه = ياكثر ماجر القلوب ولخجها ومن القدر صاحبك مانته بحاميه = ياكثر مامر الوجيه وسهجها والبعد لوينجيك ماهو بمنجيه = اما أتصل والا لحقبك مسجها |
التعديل الأخير تم بواسطة خالد الغنامي ; 10-03-2009 الساعة 10:57 PM
![]() |
![]() |
#2 |
![]() ![]() ![]() ![]() ![]() ![]() |
![]() يوسف الغنامي
ياحي هالطله والله شعر x شعر والكايفين مايجي منه غير كايف وصدى وصوت شعار كبار يعقدون القاف ويحلونه صح ألسنتكم جميع جميع ودام هالواهس الشعري فيكم بكل خير ومعزه |
![]()
يزفك الليل واحلامي تغني لك =تعال ياطيف عشقٍ عشت مجنونه
بحلمك وأقبلك وأسمع تعاليلك = وأذوق منك الغلا وأعزف لك فنونه ![]() |
![]() |
#3 |
•(-• عـزام •-)• مؤسس
![]() ![]() ![]() ![]() |
![]()
الله الله
صح لسان محمد ولا هان راسك يايوسف صوت وصدى!! ولا احلى.... تقديري واحترامي... |
![]() ![]()
التعديل الأخير تم بواسطة خالد الغنامي ; 10-03-2009 الساعة 11:15 PM
![]() |
![]() |
#4 |
![]() ![]() ![]() ![]() ![]() ![]() |
![]()
عزالله مثل ما قال الاخوان
صوت وصدى شعار كبار وجزلين صحت السنتكم ــ،، ابيات فى غاية الروووعة وكل يتمنى هالصورة المشرفة وادام الله الوصل بينكم |
![]()
انا بنت ناسٍ نظرتي طول عمري فوق=و عن مايهين النفس تمنعني اخلاقـي
اقدّر جميع الناس و اعرض عن المطفوق=و احافظ على سلم النقا و اترك الباقي لكن لاسمعت القاف يجذبني الطـاروق=احس البيوت الراقيه تسكن اعماقـي ![]() |
![]() |
#5 |
![]() ![]() ![]() ![]() ![]() |
![]()
يوسف عبدالله الغنامي
صح لسانك يالذيب وصح لسان الشاعر محمد الغنامي شعراء جزلين وصوت وصدى رائع لك ولرفيقك التحيه ودمتوا بكل ود وشرفني مروري على هذه الروائع |
![]() |
![]() |
#7 |
![]() ![]() ![]() ![]() ![]() ![]() |
![]()
ومن القدر صاحبك مانته بحاميـه =ياكثـر مامـر الوجيـه وسهجهـا
بيض الله وجيهكم كلكم وسلمتم عزالله ابداع من الطرفين لاهنتم وبنتظاااااااااااااااار جديدك يالذيب |
![]() |
![]() |
#8 |
•(-• عضو رواسي •-)•
![]() ![]() ![]() ![]() ![]() |
![]()
صح لسان بيض الله وجهك
وصح لسان الشاعر محمد ولاهنتم قصيدتين جزلتين ووافيتين من شاعران جزلين وشامخين وياهلا وغلا |
![]() |
![]() |
|
|
![]() |
||||
الموضوع | كاتب الموضوع | المنتدى | مشاركات | آخر مشاركة |
أخبار الثلاثاء الموافق 21 / 7 | محمد القسامي | الصحافه والاعلام | 16 | 28-08-2009 12:57 AM |
أخبار السبت الموافق 27 / 6 | محمد القسامي | الصحافه والاعلام | 18 | 21-06-2009 09:17 AM |