ليتني ذيب الارض ان ضاقت بعين ذيب

ليتني ذيب الارض ان ضاقت بعين ذيب
كل مرقب على ميهاف رجمٍ عوى
يدرك دواه في جر العوى والقنيب
والا انا لو اجر الصوت مامن دوى
في ضلوعي هواجيسٍ تحضر وتغيب
كل ماازعج سكون الليل نسمة هوى
عز طاريك ياشمعة هاذاك الشعيب
في سماريد ليليٍ شموع وضوى
شاب صبري ووجدي فيك عيى يشيب
أتجلد وانا نفسي عليك شهوى
كم تمنيت قربك مير مامن نصيب
والقوي الله ان كان البخت ماقوى
أودعتك الضنون بعشرتي مستريب
وانت لو تطلب الثنتين مالك لوى



الشاعر بداح العليان

الله الله
كلمات بقمه الروعه والذوق
احسنت الاختيار ي فتى��^_^

ننتظر جديدك
ودي..~

صح لسانك
وعلا شانك
كنت هنا وتمتعت كثيرا
بما قراته
تقبل مني كل الاعجاب
والشكر

بحر الشوق
يسلم ذوقك واحساسك الراقي
انتقاء بقمة الروعه
صح الله لسان شاعرها وتسلم يمينك على نقلها لنا
تحياتي لك
النجلاء

شاعر معروف وجزل

وصح لسانك ولسانه نقيت وحسنت الانتقاء

صح لسان الشاعر

وسلم لنا الذوق الجميل يا بحر

تقبل تحياتي

صح لسان شاعرها وسلمت يمينك ع النقل ،،
تقديري لك ،،