الشـــذى العاطــــر

السلام عليكم احبّائي وعيدكم مبارك قبل الزحمه :)

متواضعه راجي لها القبول

الهم لا شن غاراته على الخاطر=ودكّت حصون السعد وافنت مبانيّه
وبصدرك الضيق فايض غيمه الماطر=وازهر نبات الكدر واثمر بلاويّه
والغم قايد وحزنك بالخطط شاطر=واجتمعوا بنيّة الحرب الاباديّه
وجاك القدر بالرماح القشر متْساطر= نيّاته السود لك تسبق خطاويّه
والوقت سيفه بدم الغدر يتْقاطر= والحظ يعرض من الويلات منقيّه
وظهرك قِصَمْه الزمان بحدّه الشاطر=وماعاد تقوى تشيل الحمل موليّه
وبَكْرَة عزومك غدت من هولها فاطر=وحصان صبرك لياسك رايح اضحيّه
ولا صار حاكم هواك ابليس وامشاطر=كف المنيّات في هجمه عدائيّه
وحسيت بانّك تعيش ايّامك امْخاطر=صبحك غدا عقرب وليلك غدا حيّه
في حينها ازبن حمى الله ويش له ناطر=ولوجه رب المخاليق اخلص النيّه
اسجد خضوع ومذلّه للذي فاطر=سبع السماوات واطلب عفوه وفيّه
سجدة مذلّه بها ريح الشذى العاطر=يرسل لك ابها من التيسير وسميّه
يحيي بها افراح فاقت فرحة الفاطر=من عقب ماجاه وقت الصوم صيفيّه
ياطير عطر التسابيح بسمانا طر=سبّح وصبح الامل لا ينطفي ضيّه
تغريد ذكر القدير ايوسع الخاطر=ويهدم حصون البلا وينسف مبانيّه

بدر ناصر المورقي

صـح آلسـآنك جزآله وتعرف شهـآدتي فيك يـآبدر

بدر ناصر المورقي

صح لسانك وعلا شانك

جزله من محيط للجزاله

سجل مروري واعجابي

ولك أجمل تحيه

وعليكم سلام .. ينعاد علينا وعليك بالصحة والعافيه


يعطيك العافيه غلاي

لاهنت

بـــــــــدر ناصر المورقي
صح لسانك مدد بلا عدد,, قصيدة شامخة ورائعة كــ روعة اطلالتك
راقت لي كثير ’فلــ حروفك معزوفات تناغمت ع كل وتر وحساس
جزل يالنشمي,, وكل سنة وانت بالف صحة وسلامة,,,
دمت ودام شموووخ حضورك وروعة كلماتك,,ننتظر جديدك فلاتحرمنا
لروووحك اجمل وارقى التحايا واعذبهـــآ

صح السانك شاعرنا

قصيدة تحمل من المعاني الجميله الكثير

دام نبضك
اجمل تحيه

صح لسسسسانكـ وع شششانكـ

قصيدهـ رائعهـ

تحياااتي لكـ

لاهنت وبيض الله وجهك
وصح لسانك وعلا شانك
قصيدة تحمل معاني جميلة
تحياتي وتقديري