آخر 10 مشاركات |
|
فرسان القلطه .. مرســى الـمحاورات الـمباشره واللـغير مباشره.. |
انشر الموضوع |
|
أدوات الموضوع | انواع عرض الموضوع |
|
20-08-2011, 02:03 AM | #1 |
في ذمة الله
|
عبدالله بن طلال وعبدالاله بن شلواح العتيبي
اقدم لكم محاورتي المباشره مع اخي الشاعر/ عبدالاله بن شلواح العتيبي ارجو ان تحوز على رضاكم انا سلام يا أهل المنتدى واللي يبا يلعب ، يقوم = بنت الهلالـي صفّقـت بيدينهـا لعيالهـا هذا وانا حاظر وقسمي من كبيرات القسوم = لا جازت السلعه دفعت جنيههـا و ريالهـا عبدالاله يامرحبا بك والسماء سقف السحابه والنجوم = والارض مفروشه وخلق الله بحسب اعمالها انا ادري انّك من يغلّق فالدعاوي واللـزوم = يدري عن الحيلـه ويكشفهـا ولا يحتالهـا انا دام البقا والطير لو شفناه من حولك يحوم = ماهو كفو ينزل وياخذ غترتك واعقالها حنا نهدّ الحرّ الاشقر ما نهدّ افروخ بوم = البوم فرخ البوم كلٍ عارفن منزالها عبدالاله ياللي تدرجها على حسب المذاهب والسلوم = مال الحمول وميلة الايام غير إجمالها تبا تشيب من العجايب يالعتيبي والهموم = ان جاتك ايام الليال البيض عكس إليالها انا السيل لامنه تحدّر من رفيعات الرجوم = مافيه قشعه في طريق السيل مايشتالها اشوف لي برقن برق بين الحويّه والجموم = عساه يشتالك مع الوادي مابين جبالها عبدالاله ما عاد معك الا الدعاء والله غفار(ن) رحوم = والا جبال الارض فوق الارض هذا حالهـا فقران مايشري ذهب لو تستره بيض الهدوم = الا بعد تنفق زكاة اهل الذهب مـن مالهـا انا لاوالله اللي قرّبت تاصل ليا روس الخشوم = ما دام راعية الذهب باعت طقم خلخالها لقيتها تمشي مع العالم بصالات القدوم = حسبي على اللي ياطويل العمر فكّ إحبالها عبدالاله ان جات والا روحت مال الغفال الا الوسوم = يا ما نصحتك وانت مهملها ومعك اعقالها زال السفر متعه وطايرته على ظهرالغيوم = ان وقعت فالارض (حلتهـا بعد ترحالهـا) انا الرحله اللي ماعليها غير مجموعة رخوم = نشوم عنها ، جعل فال الله ماهو فالها وصلك علمي وانت بن شلواح تفهم بالعلوم = وبعض العلوم اكبار صعب اقفايها واقبالها وسلامتكم |
|
20-08-2011, 02:12 AM | #2 |
|
عبد الله
صح لسانك وصح لسان عبد الاله كلكم جزيل ولافيكم حيله ومرحبا بك ياعبد الله والوعد اذا شربنا الماء ههههههه لاهنت يالذيب |
|
20-08-2011, 02:27 AM | #3 |
|
عبد الله بن طلال
صح لسانك ولسان خويك عبدالالة جزلين يالنشامى محاورة رائعة من روعة اصحابها هنياً لكــ يارواسي بــ عذبين الحرووف لرووحكم قبائل الورد التبووكي |
|
20-08-2011, 02:29 AM | #4 |
في ذمة الله
|
صح بدنك يامحمد
وفكني من شرك يالامير تراني توني ضيف :) تحياتي لسموكـ |
التعديل الأخير تم بواسطة عبدالله بن طلال ; 20-08-2011 الساعة 02:31 AM
|
22-08-2011, 11:39 PM | #8 |
|
صح صح صح لسااااااااانك يابن طلال ولاهان عبدالاله
مبددددع فى كل حالاتك طواريقن جزلة ومن شاعر قرم |
انا بنت ناسٍ نظرتي طول عمري فوق=و عن مايهين النفس تمنعني اخلاقـي
اقدّر جميع الناس و اعرض عن المطفوق=و احافظ على سلم النقا و اترك الباقي لكن لاسمعت القاف يجذبني الطـاروق=احس البيوت الراقيه تسكن اعماقـي |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
أخبار الثلاثاء الموافق 21 / 7 | محمد القسامي | الصحافه والاعلام | 16 | 28-08-2009 12:57 AM |
أخبار السبت الموافق 27 / 6 | محمد القسامي | الصحافه والاعلام | 18 | 21-06-2009 09:17 AM |
أخبار متفرقه ليوم الثلاثاء 8/2 | السيــ عمهوج ـف | الصحافه والاعلام | 10 | 03-02-2009 03:35 PM |