آخر 10 مشاركات |
|
تاج القصيد .. خاص بنزف شعراء رواسي نجد. بالأسم الصريح .. |
انشر الموضوع |
|
أدوات الموضوع | انواع عرض الموضوع |
|
01-12-2015, 09:25 PM | #1 |
|
-(المرجلة والطيب والدين والجاه)-
عشاق القصيد اليكم هذه القصيدة وقد تم نشرها من قبل في مسابقة شعرية لعلها تحوز على رضا الجميع ولكم الشكر مقدما المرجلة والطيب والدين والجاه=هذي تكمل بعضها كان تدرون ومن لا يحوش العز في كف يمناه=ماتنقضي حاجات من ينبع الهون لاشك فعل الطيب كل تمناه=وفعل المراجل منوة الي يتمنون واليا كساه الدين والجاه خاواه=سعادة الدارين للي يريدون لكنها ضلع عسير بمرقاه=ميهافة عسرة على الي بيرقون والمرتفع ماكل شخص تهقواه=الي الذي درب المعالي يرومون الا الذي اصله على العز رباه=جده وابوه الي على العز يمشون نفسه على فعل المراجل مضراه=من سلم شيبان عليها يربون على الوفا والطيب دربه وممشاه=ماهو من الي مشيته دون في دون كريم طبع وكل الاجواد تنصاه=مدهال ضيفان على البيت يلفون رجل على وضح النقا دوم مبداه=هرجه على العاقل رزين وموزون ماهو من الي لا حكى زخرف حكاه=يعطيك من هرج المواثيق ويخون هذاك لو غنى لك الحب بشفاه=لايخدعك لو اطرب القلب بلحون بس يتلون يشبه لطبع حرباه=في كل مره يصبح لحالته لون طبع النذالة فيه من يوم منشاه=لابد ماياطا على الكبد بالهون هذا العدو وطبع الانذال يحداه=لاصار فيه الكره والحقد مدفون لاتامنه والله عليم بنواياه=واحذر ترا ماهوب يالقرم مامون لاتصير مثل الي نقل داه برداه=خلك فطين لدبرة الي يكيدون من لايخاف الله بفعله ويخشاه=احذر ولا تامن من سيوفه طعون هذا كتابي للذكي كان يقراه=نصيحة للي من الناس يقرون واختامها واعداد سحب نثرماه=على النبي يالي قريتوا تصلون عذب |
|
01-12-2015, 09:55 PM | #2 |
|
اللهم صل وسلم على نبينا محمد
صح الله لسانك ياعذب كايفه ونايفه وجزله من شاعر مبدع وجزل نص فاخر بمضمونه ومعناه فيها نصيحه من ذهب والماس دمت ودام مداد قلمك ورقي حرفك الفاخر تقديري وتقييمي لسموك النجلاء |
مصممتنا المبدعه والمتألقه رحيل الف شكر لك ع التصميم الرائع |
01-12-2015, 10:58 PM | #4 |
|
النجلاء تسلمين وصح بدنك على حضورك المميز وكل الشكرلك على المرورالمشرف والتواجد المعطر اشكرلك جميل اعجااابك واطرائك تحياااتي لك . |
|
01-12-2015, 10:59 PM | #5 |
|
محمد الغنامي
تسلم وصح بدنك على حضورك المميز وكل الشكرلك على المرورالمشرف والتواجد المعطر اشكرلك جميل اعجااابك واطرائك تحياااتي لك . |
|
01-12-2015, 11:15 PM | #6 |
|
اللهم صلي وسلم على نبينا محمد
العذب صح لسانك واعتلا شانك ابيات كلها جزاله وفخامه يعطيك الف عافيه تقبل مروري واحترامي لسموك دمت بخير |
|
02-12-2015, 01:17 PM | #8 |
|
اللهم صلي وسلم على سيدنا محمد
صح لسانك يا عذب نصيحه جزلة معنى ومبنى بارك الله فيك .. مـن لايخـاف الله بفعلـه ويخـشـاه احذر ولا تامن من سيوفـه طعـون |
|
|
|