في ذمتــك .. في غيبتي ما تضايقت ؟؟

السلام عليكم ورحمه الله وبركاته ...

بسم الله الرحمن الرحيم والصلاه والسلام على اشرف المرسليين ..

صبحكم الله بالخير واسعد الله واقاتكم ..

يشرفني ان اكون ضيف خفيف على هالمنتدى الراقي والشامخ ...

وهاذي قصيده اضعها بين ايديكم راجي من الله ان تنول على بعض من اعجابكم وتروق لمسامعكم ...

وعسى الله يجملنا ونتجمل منكم ..

(( في ذمتك في غيبتي ما تضايقت ؟)) = و لا صار في دقات قلبـك ميولـه ؟


و ماهزتك ذكرى و فيهـا تشوقـت ؟ = و لا طرى لك شي صعبـن تقولـه ؟


اكيـد مامريـت فيهـن و لا تقـت ؟= غلطان يالمجمـول ماهـي معقولـه !


مريت انـا فيهـن و منهـن تذوقـت=اضيـق والهاجـس يسـرّج خيولـه


شفني و انـا بيـن الهقـاوي تعلقـت=لا مدركن و صلك و لا اقدر اطولـه


تسوق لي الذكرى طيوفك و انا سقـت=واقفي معاهن بيـن صولـه وجولـه


امشي مع العالم و لا احسب الوقـت=وش لي بوقت(ن) دام مانـي بحولـه


تدري وش الي لاطرت غصب دنقت ؟=اني ابي شـي(ن) و صعبـن انولـه


مدامني لا خنـت لا جـرت لا بقـت= معـاد لـك حقـن تحـرا وصولـه


اقسم قسـم بالله فـي غيبتـك ضقـت= و تردني نفسي عـن الـي بقولـه !!

شعر \ محمد الشتلي
مصافحه أولى

وســــــــــلامتكم

في ذمتي انا

انك الجزل لين تقول بس

ونك تسعدنا بتواجد,,, ايه يارجال خلنا نتذوق الشعر

و صح صح صح لسانك لين ترضى ونت لا ترضى خلني ارددها


مروري وكل التقدير

اقتباس:

المشاركة الأصلية كتبت بواسطة محمد الروقي

في ذمتي انا

انك الجزل لين تقول بس

ونك تسعدنا بتواجد,,, ايه يارجال خلنا نتذوق الشعر

و صح صح صح لسانك لين ترضى ونت لا ترضى خلني ارددها


مروري وكل التقدير

الله يرحم والديك يالسـمي :)

وصح ابدنك

كلامك دافع مشجع عسى الله لا يقطعه عنا :)

ومرورك شرف لي وحياك الله والساعه المباركه

صح لسانك شاعرنا

لاهنت ولا عدمناك

ننتظر جديدك بشوووووق

اقتباس:

المشاركة الأصلية كتبت بواسطة لهفة شوق

صح لسانك شاعرنا

لاهنت ولا عدمناك

ننتظر جديدك بشوووووق

صح ابدنج يا لهفة شوق

ولا هان من قال

وشاكر لج على المرور الرائع

وحياج الله والساعه المباركه

لى عودة تليق بضيفنا الفاضل

أينما يتواجد الشعر
سيتواجد معه المتذوق
وأنت هنا أوجدت
ومن رائعتك إزدانت ذوائقنا

محمد الشتلي

للجمال لغته وللشعر برهانه فيك
صح كلك وجعل السعد مايملك
ودام هالوهج الشعري بكل خير

اقتباس:

المشاركة الأصلية كتبت بواسطة محمد القسامي

أينما يتواجد الشعر

سيتواجد معه المتذوق
وأنت هنا أوجدت
ومن رائعتك إزدانت ذوائقنا

محمد الشتلي

للجمال لغته وللشعر برهانه فيك
صح كلك وجعل السعد مايملك

ودام هالوهج الشعري بكل خير

صح ابدنك يالقسامي ..

والله لا يهنيك على الكل الطيب ..

وحياك الله .. والساعه المباركه ...