آخر 10 مشاركات |
|
تاج القصيد .. خاص بنزف شعراء رواسي نجد. بالأسم الصريح .. |
انشر الموضوع |
|
أدوات الموضوع | انواع عرض الموضوع |
|
02-06-2009, 12:18 PM | #1 |
|
( المحبــه مابها مخطي ) !
حزني إللي كل ما قلت بيْعْدي=عوّد لنفسي القشرى وعذبها رجّع الماضي وأنا ماهو بودي=يكشف أوراق(ن) من القلب شاطبها ليتني بنسى شقى حظ متردي=يوم رجلي في هوى الغير متعبها هنت نفسي لأجل حب(ن) لعن جدي=والكرامه فالهوى من يحاسبها ? المحبه مابها مخطي ومقْدي=علة(ن) فالقلب نجهل سبايبها يوم إبن عدوان وجده مثل وجدي=سيرته للحين نقرى ونكتبها من يلوم النفس لا بحت له سدي ؟=قلبه أطناب(ن) تطارخ مقاضبها وجد عيني والفجر ضوحه بيبدي=والجهات أربع وضاقت مضاربها وين مالديت وجهي تجي ضدي=غلطة إللي من غلاها يعذربها يوم تلتني وأنا شفق , مشتدي=ودي ولا ودي أرخي مجاذبها كنت أحاول ما أبين لها حدي=مير جابتني من أقصاي لـَ ... أقربها وأسرفت بي لين طاحت على كبدي=هذا اْنا للحين أصدق وأكذبها ما دريت إني ببين لها ودي=وإثرني لاَمن تضايقت أخربها شفتها تاخذ مع الناس وتودي=ضاقت الدنيا وشبت شبايبها ذكرتني سالفة صبحي الوردي=يوم جتني بالخبر من تعجبها حذفتي للغتره بمزحي الجدي=لأجلها يوم أقبلت لي ركايبها مير ما تفهم عليّه ولا تجْدي=بالكلام إللي يليق ويناسبها لين جابتها وأنا عيني تلدي=مثل ما سوت معي جيت أعاتبها لو تقول العذر , ما فات ! ماردي=الحقايق قدم عينك مجنبها هيك بدك بس / أنا هيك ما بدي=تشرّق الخطوه وقلبي مغربها تغْلط , وتبعد , وتعلنْ لي الصدي=ترجي الأيام تدفن عواقبها وأنت في عيني , وفي قلبي , وعندي=غير كل الناس ربعي وأجانبها لا تطول جزر صدك وأنا مدي !=السهر عين من يهواك عاقبها كم ليل(ن) جيت بالشوق متحدي=بايع(ن) نفسي على حساب طالبها أرقب القمرى ودمعي على خدي=والرسايل في يميني وأقلبها وأحمد الله إنْ معي شي(ن) يهدي=ذكريات(ن) منك رحمه وكاسبها وأطلب الله كان لي حظ متردي=نفسي لغيرك أبد ما يعذبها سطام الشمري |
|
02-06-2009, 12:51 PM | #5 |
|
هنت نفسي لأجل حب(ن) لعن جـدي والكرامه فالهوى مـن يحاسبهـا .............. أرقب القمرى ودمعـي علـى خـدي والرسايـل فـي يمينـي وأقلبـهـا وأحمد الله إنْ معي شـي(ن) يهـدي ذكريات(ن) منـك رحمـه وكاسبهـا وأطلب الله كان لـي حـظ متـردي نفسـي لغيـرك أبـد مـا يعذبـهـا هكذا دائما يحظر المبدعون سطاام الشمري شاعر جزل مبدع أحساس مرهف وعالي لك ودي |
|
02-06-2009, 03:08 PM | #7 |
|
مافوق الوصف لايوصف
فالنضرة لم ولن تخيب في شاعر يحمل الشعر ببراعته وجزالته وسأكتفي بما يقال صح كلك وجعل السعد مايملك ودام هالوجود والموجود بكل خير وموده |
يزفك الليل واحلامي تغني لك =تعال ياطيف عشقٍ عشت مجنونه
بحلمك وأقبلك وأسمع تعاليلك = وأذوق منك الغلا وأعزف لك فنونه
التعديل الأخير تم بواسطة محمد القسامي ; 02-06-2009 الساعة 04:42 PM
|
|
|