ديرة الأحباب

السلام عليكم وأسعد الله أوقاتكم
تواصلا مع تاج القصيد .. هذه الأبيات عسى تروق للذائقة .

مريت من ديرة الأحباب والناس ممسين =وشفت بيت الحبيب وهاض هجسي عليه
كني على شوفة المحبوب والعين بالعين = يقتّص وأقتصّ ، والقلبين راحت ضحيه
ودرت والشوق يلعبي سواة المحبين = وهاض شوقي لها باللعب والسامريه
على لساني رسالة وأختصرها بحرفين = يعجز لتوصيفها القاموس والأبجديه
يا زين ( أحبك) وموّلها بكل التلاحين = وغنّها ع الوتر بالعود والسمسميه
غرام حبك رقص بالقلب ما بين ضلعين = والحال مجنون كنّه قيس والعامريه
أهيم في وادي الشّعار مثل المجانين = وأنظم لها العقد بالأشعار حب وهْديه
وأطوف في ديرة الأحباب وأتخيّل الزين = وأندب لها حظي الطايح صباح وعشيه

^^
وسلامتكم

شاعرة نجد ,رحيل ,عبدالله الصقري و 1 آخرون معجبون بهذا

ملكة الرواسي

سلمت شاعرنا
وصح لسانك ولا هنت على روعه ابياتك وجمال قلمك
يعطيك العافية

صح لسانك اخوي عبدالله و كلك ابداع

وعليكم السلام ورحمة الله وبركاته
واوقاتك اسعد واجمل


وانت سالم
وصح لساااانك مدد على هالرائعة
لاهنت

صح السانك جميل مانثرت مشاعر
زاخرة بالشعر والجمال اسعدني المرور من الأعماق
كل الشكر اجمل تحية

عليكم السلام ورحمة الله

عودا حميدا شاعرنا
وصح لسانك على هـ العذبه والابدااع المعهود

تقديري,’’

الدنيش
صح الله لسانك ملايين
مبدع وجزل وشهادتي فيك مجروحه شاعرنا
دمت ودام مداد قلمك ورقي حرفك
تقديري وتقييمي لسموك
النجلاء

صح لسانك وبيض الله وجهك على اتحافك الجزل
لاعدمنا ابداعك شاعرنا
تحياتي