أكبر شرف نلته في حياتي

خوفك عليه من صواديف الايام=أكبر شرف نلته وأنا في حياتي
بالله ياقلبي عشاني لاتنضام=تكفى دخيلك يالغلاء لاتحاتي
إي والله إني أعشقك عشق بهيام=مجنون ليلى مايسوي سواتي
دمعات عيني تنتثر فوق الكمام=ياليتها تقرى وتكتب كالاتي
أنا اللي حبك حب صادق ومقدام=مقدام فارس ماحسب للمماتي
وسط المعارك يرتدي درع ووسام=وسط المعارك يعتزي يامناتي
وليا اعتزابك يظهر الماء بالاقدام=ماعاد يحسب فقر ولا غناتي
أنا دموع العين من قلب منضام=أنا دموع العين وهاذي عصاتي
ياهاجسي قلي عسى باقي أنغام=ودي أوضح للحبيب صفاتي
ودي أوضح شي له عشرة أعوام=يجيب له علم ٍ موثق وياتي
والعلم لاجابه مثل صيد غشام=لاهده القناص وقف وباتي
هذا هو أحساسي ليا جيت أبا نام=يحكي لي عنك قبل فوت الفواتي
حبك بقلبي باقي ٍ طول الايام=مايموت لين الناس تسمع وفاتي

أنا اللي حبك حب صادق ومقدام

مقدام فارس ماحسـب للمماتـي

وسط المعارك يرتدي درع ووسام

وسط المعارك يعتـزي يامناتـي

صح لسانك لين ترضى
::
و1000 لاهنت

احمد السليمان

حضورك هو الابداع

صح السانك حتى ترضى

دمت بخير

شاعرنا الراقي

احمد السليمان

صح لسانك يا احمد حتى ترضى

وبيض الله وجهك

على هالشامخه لاعدمتك

سجل حضوري المتواضع امام شموخك


ابو خاااااالد

صح لسانك يا احمد لين ترضى

تقبل مروري وكل التقدير

قصيده ولا أرووووع

حروف متناغمة في جرس موسيقي رائع

يحمل بين طياته السهل الممتنع والرسم الممتع

تقبل مروري ..

صح لسانك شاعرنا

وتسلم على هـ النص الفااخر

تحيتي’,,