فتاتي مدركة ياهيه ..!

التنسيق ما رضى يركب معاي من أمس وأنا أحاول أنسق لكن ما فيه فايدة شوفوا لنا حل .. يامحمد
فتاتي مدركة ياهيه ..!

عقارب ساعتي دارت لكنها تدور بالمقلوب =وسار الوقت عندي عاكسٍ كل إتجاهاته
وكل الناس من حولي تقول لي بطل الملعوب =وعقلي ما قوى التعديل شيء فوق قدراته
زمانٍ لاعب دوره وعيني شوفها مسلوب=ولا أقدر في مواويله وعاجز عن مجاراته
خذاني غصب وتجاوز وكني للعداء مطلوب=وتوهني على عجزي وتاهت بي مداراته
وأنا من قوم ما ترضى بفكرة فايز ومغلوب=لكني في زماني ما قويت الملم إشتاته
بعد هذا بنيت القاف والمعنى بعذب إسلوب=لعل الناس تدرك ما حصل لي في متاهاته
لــ حب المرجله يصبح مدورها كما اليعسوب =اله همه وله طاقة تخّلد حسب طاقاته
وانا ما ني بيعسوب النحل لكن انا موهوب =إلي همه ولي مطلب تجاوز كل عاداته
مسارات الفرح يا هيه تشابه فالطعم للذوب=لكن الذوب يا طيبه ليا أصبح بين راحاته
حبيبي فالعشق له يوم عاشق بس انا يا دوب=أعرف الحب واثر العشق صعبات مصالاته
بطيب وحرفنه هكر على قلبٍ غدا معطوب =وصارت غلطة العاقل سبب أكبر معاناته
بعد هذا تجاهلني يقول لي ما أنت لي محبوب=وقلبي ما عرفت أبرمجه من عقب فرماته
فتاتي فاهمه تدرك طريق اللعب فالحاسوب=وانا ما ني بعارف كيف أشفر له ملفاته
بعد ما كنت معشوقه غديت الصاحب المسحوب=واثاري الصاحب اللي تعشقه ياحلو سحباته
شكيت الحال لـلأصحاب قالوا أنت فيك عيوب=عيوب ما يعالجها طبيب بكثر وصفاته
تبي حل القضيه سهل .. كله ملعنه وكذوب=وقرصٍ نعطبه كامل ونتلف له مساحاته
كثار اللي سواته حولوا من كل حدب وصوب =قنانيص يصيبون الهدف فأبعد مسافاته
حقيقة ما يجوز البيع في سوق ما هو محجوب =لأنه يردع أرباب الرذيلة من محطاته
وانا عاتب على نفسي لان الرجل مو مغصوب =يرد القول للرجالٍ حقيقة دون هقواته
أنا صيدي غزايز ما جلبها للبلد جالوب=أنا بسرج خيال الشعر من دور لها جــــاته
الا وإختامها مني تحية كل رجال وله ماجوب =ومن يقدر يفتفتها وينقد حسب قدراته

وختامآ.. تحية خالصة لكم جميع


أخوكم ... فواز البقمي

فواز البقمي

صح لسانك وبيض الله وجهك


ماشاء الله تبارك الله قصيده من شاعر متمكن


وهذا مايستغرب على جماعه الامير الشاعر العلم رحمه الله فيصل الرياحي


تقبل تحياتي وتقديري

فوآآآآز آلبقمي ..



شآعر متمكن.. وجزل .. فكرة آلقصيدهـ أعجبتني وأعجبني آسلوبك في صيآغتهآ ..




نتمنى آلآ تحرمنآ من جديدك آلمتميّز ..



تقبل متآبعتي لمآ تقدّم ..

فواز البقمي

صح صح صح لسااانك ابدعت

اما بالنسبه للتنسيق سو تنسيق للقصيده وحدها بدون تظليل
الكل ظلل القصيده فقط وتحيتي لك

فواز البقمي

كلماتك سحر
كلمات قمة الروعة
والاروع انت ياصاحب القلم المبدع
يعطيك العافية على روعة بوحك
دمت بكل الود
تحياتي لهوووووفة

فواز البقمي

صح اللسانك ولاهنت
تقبل مروري
تحياتي لك

اقتباس:

المشاركة الأصلية كتبت بواسطة فواز علي الروقي

فواز البقمي

صح لسانك وبيض الله وجهك


ماشاء الله تبارك الله قصيده من شاعر متمكن


وهذا مايستغرب على جماعه الامير الشاعر العلم رحمه الله فيصل الرياحي


تقبل تحياتي وتقديري

فواز الروقي

صح بدنك ولا هنت ووجهك ابيض يالنشمي

وفيصل تركنا مثل الأيتام الله يرحمه ويرحمنا

مشكور ياسيدي على هذا المرور الباذخ ولا هنت ولا خلا ولا عدم

تحيتي

بعد هذا بنيت القاف والمعنى بعـذب إسلـوب=لعل الناس تدرك ما حصل لي فـي متاهاتـه

فواز البقمى


ابيااااات جزله جزله

صح الله لساااااانك يالسنافى ،، شرفتنا بالحضور والمشاركة لاهنت

لاهنت والله على هالقااااف والنظم الرااااااااائع

لله درك

اترقب لجديدك بكل لهفه