الاسلام وفتنة الارهاب

السلام عليكم ورحمة الله وبركاته
هذا بيت للشاعر تركي العتيبي اراد مجاراته من الشعار في مسابقه شعريه
يقول البيت
اباابْتدي بِاسم الوِلِي خَالق النًاسْ=سِبحَانه اللًي عَالِمِن كُلْ الأسرَارْ
وقد جاريته بأبيات القصيده وشاركت بالمسابقه الا اني خرجت من المنتدى قبل اعلان التصويت
عليها.والقصيده لم اجدها في محرك البحث واحتمال انها لم تطرح بسبب محتواها
ويشرفني ان اطرحها في منتدى رواسي نجد الادبي لأول مره

اباابْتدي بِاسم الوِلِي خَالق النًاسْ=سِبحَانه اللًي عَالِمِن كُلْ الأسرَارْ
مِحْصِي عَدَدْ خَلقِه مِنْ اشكَالْ واجنَاسْ=وآجَآلَنَا بِيْدَيه عَلًام الأقدَارْ
الوَاحِدْ المعبُودْ قفًاصْ الأنفَاسْ=سَامِعْ دِبيبْ النًملْ مِنْ فُوقْ الأحجَارْ
ومِنْجِي نِبي الله يُونسْ مِنْ البَاسْ=يُوم إلتَقَمْه الحُوتْ باعْمَاقْ الأبْحَارْ
واضْلمْ عَليهْ اللًيلْ وانْصابْ بَالْيَاسْ=وَدَعَى الوِلِيْ يَنجِيه مِنْ هُولْ ألأسْفَارْ
واستَغْفَرْ لْذَنبهْ وَهُو بيْن ألأضْرَاس=وَاجَابهْ المَعْبُودْ والحُوتْ بِه سَارْ
وَرَمَاه بَالشًاطِي وقفًى لِه اعْطَاسْ=حِرٍمْ عَلَيه الزًادْ مِنْ لحْمْ الأخيَارْ
وحَمَدْ عَظِيم الشًانْ مِنْ بَعدْ مَاجْتَاسْ=وَعَذًرْ مِنْ الدنيَا وَفي مُوتِه احتَارْ
ورغْمْ الذنًوبْ الٍلي كِثِرَاتْ وِاخسَاسْ=وعْصَاية المعبُودْ فِي سِرْ واجهَارْ
سَاتِرْ عَلى خَلْقه ومِضْفِهُمْ البَاسْ=ولامِنْ دَعُوه اجَابْ وازَالْ الأخطَارْ
ويَارَبْ تَنْجِينَا مِنْ شرُورْ الأنجَاسْ=اللًي تِحَارِبنَا وحِنًا لَكْ أبْرَارْ
سِلَاحُهُمْ بنْدُقْ ومَخْزنْ وتِرْبَاسْ=والطًائِرَات تحُومْ واشْتبًتْ النًارْ
وصَاحْ اَليَمَنْ وآلشًآمْ والقُدْسْ مِحْتَاسْ=وصَآحَتْ لُهُمْ بَيْرُوتْ وِتْصِيْحْ اَلأَنْبارْ
والمُوتْ شَالْ العَودْ والعَارْ مِنْدَاسْ=وتحَارَبتْ سِنًه وشِيْعَه وثُوًارْ
وَقَالوا عَشَانْ اَلدٍينْ نقْتُلْ بَلاَ اٍحْسَاسْ=ونْجوعْ السٌكَانْ وِنْسوِيْ اِحْصَارْ
ولَا نَرْحَمْ الغَاوِينْ نهْرسْهُم اِهْرَاسْ=وللكلبْ ذَبًاحَه وللقَبْرْ حَفًارْ
واَمِيْرِنَا الحَجًاجْ قَطًاعْ الأَرمَاسْ=والشِمْرْ ذَلْجَوْشَنْ واَلأشْعَثْ ونِيْمَارْ
ضَرًابَة اَلحَدًينْ وِسْهُومْ اَلأَقوَاسْ=وخَيًالَة اَلبَيْدَا وصَلْفِينْ الأَوزَارْ
وحِنًا هَلْ اَلقُرْآَنْ شَرًابَة الكَآسْ=وحِنًا جُنُودْ اللًه وِجنُود بَشًارْ
مِنًا الشجِيْعْ كِلَيْبْ واَلنمْرْ جَسًاسْ=ومِنًا نَبِي اللًه والصًحْب الأطْهَارْ
ويَاشَعْبِنَا المَضْلُومْ مِعْ حُكْمْ عَفًاسْ=وشِلًه مِنْ اَلجِهًالْ تَحْفِر كَمَا اَلفَارْ
تَحْسِبْ بِيُوتْ اللَه مَرْقَصْ للأَحْلاَسْ=ومِنْحَاشَه بمَرًآنْ وِبْيُوتَهَا غَارْ
وتَرسِلْ لَنَا السًفْهانْ للحَدْ حُرًآَسْ=سِفْهَانْ وَسطْ النَارْ فِي عُمْرْ الأَزْهَارْ
مَاتَفْرِقْ الأَعْمَارْ بَخْمَاسْ وآَسْدَآسْ=الفَرْقْ تَقْتُلْنَا بِجِثْرِي ومِنْظَارْ
قَرَآمِطه بَالشًكلْ والفِعْلْ وآَنجَآسْ=تَسْهَر مَعَ القُرْآنْ وتبِيْحْ آَلأَستَآرْ
وِتْحَرِمْ الدِينَارْ وِتْعَبِي آَكْيَآَسْ=وتَعْزِفْ عَلَى آَلقِيتَارْ وِتْدُقْ فِي طَآرْ
وِتْنَادِي الزًهْرَا وتَسْجِدْ لِعَبًآَسْ=تبِي المَددْ والعُونْ وأطٌوفْ بَاسْوَآرْ
تحْسِبْ كِتَآَبْ اللًه جِلْدَه وقُرْطَآَسْ=مَآَتَدْرِي إِنْ آَلدِينْ تَسْبِيْحْ وَآَذْكَآرْ
ويَآمِدًعِيْنْ آَلٍدينْ يَاقُومْ آَلأَخْمَآَسْ=ويادآَعِشْ آَلكُفًآَرْ يَبْقَى لَنَآَ ثَارْ
لآَبِدْ مَآَنِغْتَآَضْ وِتْدًقْ آَلأَجْرآَسْ=ونَحْمِلْ بَنَادِقْنَا عَلَى حِجْلْ آَلأَمْهَارْ
ونَشْعِلْ حَرَآَيبْها وآلأَرْيَآَقْ يِبًآَسْ=وِنْبِيْدُكُمْ شِيْعَه وِدَاعِشْ وكُفُارْ
وِنْخَلٍصْ آَلإَسْلآَمْ مِنْ دِينْ آَلإِفْلآَسْ=وِنْقوِمْ آَلأَفْرَآَحْ وِنْسِدْ فَآلعَارْ
ونَبْنِي حَضَآَرَتْنَا وِنَعْمُرْ لَهَا آَلسَآَسْ=وِنْقِيْمْ شَرْعْ آَللًه وِنهِدْ آلأَوكَارْ
ونَرْعَى خُبُوتْ آَلبَرْ وِتْعِمْ آَلأَعْرَاسْ=ونَزْرَعْ ترَآَبْ أَلأَرضْ وِنْعَمٍرْ آَلدًارْ
وتَرْقُصْ لَنَا آَلحُرًه وِتِخْتَآَلْ بَالمَاسْ=وتَنْجِبْ لِنَا آَلشٍجْعَآَنْ وِعْيَآَلْ شُطًارْ
وِنْقَهْوِي آَلضٍفَآَنْ وِنًاولْ آَلطًاسْ=فِيْهَا حِلِيْبْ آَلنٌوقْ خَلْفَآَتْ وَآَبْكَارْ
ونَشْكُرْ وِلِي آلْكُونْ مِعْ كُلْ نِسْنَاسْ=وِنْحجْ بَيْت آللًه وِتْجِيْك آلأَخْبَارْ
ويَاجَاعِلْ آهْلْ آلْكَهْفْ فِي نُومْ وِانْعَاسْ=تَجْعَلْ لَنَا آلْجَنًه وتَجْعَلْ لَنَا آَنْهَارْ
وِخْتَامَهَا صَلُو عَلَى عَاصِبْ آَلرًاسْ= نِبِيٍنَا آَلْهَادِي عَدَدْ وَبْلْ آَلأَمْطَارْ
شِفِيْعِنَا فَالْعَرْضْ عَنْ كُلْ هَلًاسْ=لاَطَارَتْ آَلْعَجًه وعَمًدْ لَهَا غبَارْ

رحيل ,عبدالله الصقري ,سجين الرواسي و 8 آخرون معجبون بهذا

هماليل ,نايف خويتم ,محمد الغنامي ,شموخ الوايليه ,محمد العواد ,النجلاء ,غنجَ ,عالية المقام

صحت السنتكم
الصارم بيض الله وجهك كفيت ووفيت
الله يعطيك العافية ولا هنت

الصارم معجب بهذا

الله الله الله ع الجزاله والابداع
صح لسان الشاعر تركي
وصح لسانك يالصارم
وانورت رواسي بحضورك

الصارم معجب بهذا

صح بوووووحك ايها الجزل
ابيااات جميله وقافيه متزنه
دمت مبدعا .."

الصارم معجب بهذا

من طول الغيبات جاب الغنائم

/

لله درّك شاعرنـــا
قصيدة وافية وجزلـــــــــــة وقوة واضحة في معنى بيت القصيد
صح منطوقك ملايين
وصح لسان الشاعر تركي العتيبي
ودي يسبق ردي

اللهم صل على نبينا محمد

الصارم
صح الله لسانك على هالمعلقه
كايفه ونايفه وجزله وغير مستغربه من شاعرنا المبدع
وصح الله لسان الشاعر تركي العتيبي
دمت ودام مداد قلمك ورقي حرفك الشامخ
تقديري وتقييمي لسموك
النجلاء

صح لسانك يالصارم
شهادة حق قصيدة وافيه
من شاعر وافي وجزل
سجل اعجابي وتقييمي

الصارم
صح الله لسانك على هالنص الجزل ياجزل
تحيتي وتقديري