الوفاء راس عيبه

السلام عليكم ورحمة الله وبركاته
اخواني الاعزاء اقدم اليكم هذه القصيده عسى ان تنال اعجابكم
وتقبلوا تحياتي ودمتوا بود

سر يا قلم واكتب قوافي عجيبه = عن ما يدور بخافقي من عذابا
وانشد مع اهل العرف من هو طبيبه = ان كان تنفع للقلوب الطبابا
وعطني علاجي قبل غيرك يجيبه = واسعد خفوقٍ من زمانه مصابا
لا يا زمن صار الوفاء بك مصيبه = من يوفي بوقته يذوق العذابا
ومن ينقض عهوده يصير اله هيبه = ولا الوفي يصير دايم مهابا
الخاين الغدار ماخِذ نصيبه = وفي كل يوم ايجيه مية كتابا
وتلقى العرب في كل بيت تحكيبه = بالطيب يذكر لو فعله ما طابا
ولا الوفي صار الوفاء راس عيبه = وعليه في دنياه حظر اقترابا
لو هو صغير العمر يبين شيبه = يشيب راسه لو عمره شبابا
واسباب شيبه في هذا الوقت طيبه = من كثر طيبه زاد همه وشابا
وقتٍ رديٍ فيه مظلوم ذيبه = وتنبح على روس الطوال الكلابا
ناقص عقل من صار كلبه حبيبه = والله ما يلقى منه لو شرابا
ولو دارة الايام دوره رهيبه = والله ليغدي في زمانه حِطابا
وانه ما يلقى له ذرى يلتوي به = ويصير لسيوف النشاما جرابا

اخوكم / سامي الرقيب

أحسنت أخي العزيز/سامي الرقيب أحسن الله إليك

شكرا لك سيدي الكريم على إتحافنا بهذه الرائعة

صح لسانك ، وبيض الله وجهك ، ولا فض الله فاك

أرجو مراجعة الشطر الثاني من البيت السابع

دمت بسلام وسعادة وحب وألق أيها الأخ العزيز

..,, سامي الرقيب ,,..

صح لسانك يالذيب على الرائعه

لاعدمناك ولاعدمنا اباعاااتك

..,, تحياتي ,,..

سامي الرقيب
صح لسانك اخوي ويعطيك العافيه
قصيده رائعه من شاعر مبدع
تحياتي

الرقيب
صح لسانك وتسام يداك خيو
وبيض الله وجهك
تحياتي لك
خيك
خالد ابن هجيره

صح لساانك يالرقيب

والله يعطيك الف عافيه

تقديري لك

النداوي

صــــــــــــــــح لسااااااااااااااااااااانك

الله يعطيك العافيه على الرائعه

تقبل تحياتي

صح لسااااانك ياسامي


جزل تقبل مروري وتقديري