مِدّ النظر خلّك بعيد الهقاوي

((( مد النظر )))

مِدّ النظر خلّك بعيد الهقاوي=كل البشر فيها عذاريب وعيوب
ترا الشفّاوه هي عذاب الشفاوي=عِزّي لمن دوّر بالاجواد عذروب
لا تزعل لغيبة كثير الحكاوي=يبي من ذنوبك على ذنوبه ذنوب
ولاتصير في كل المواقف قصاوي=ترا التجاهل بعض الاحيان مطلوب
السيل يا شفته مع القاع داوي=يعطي مثال لهزربة كل هزروب
لا تجاوب عيار الكلام السماوي=خلك حليم وحاور الناس باسلوب
ما يداوي الدلخ المغفّل مداوي=حتى لو الدكتور يصرفه له حبوب
وان شفت طيبك مع رداك متساوي=ووصلت لقضب الحلق مع مقرن الثوب
خلك عديمٍ صلف مثل النداوي=وحساب عمرك عند مولاك محسوب
وعن كل خوّة ماتحشم المخاوي=اجعل غيابك غيبة الشمس بغروب
اجهم على نيّتك يامرحت ناوي=والرزق عند مدّبر الرزق مكتوب
العبد يا صكّت عليه البلاوي=يفرج له اللي فرّج احزان يعقوب

محمد العواد
نديم القوافي

الغيث معجب بهذا

وان شفت طيبك مـع رداك متسـاوي .... ووصلت لقضب الحلق مع مقرن الثوب

أنت توحي ,, صح لسانك وبيض الله وجهك ,أبيات جزله من جزل أحترامي يالامير ْ~

الله الله عليك محمد
ما اجمل ابياتك وما اروع قلمك
صح لسانك ولا هنت شاعرنااااااا
يعطيك العافية

محمد العواد
صح لسانك ملايين
ابيات في قمه الجمال والجزاله
يعطيك العافيه
احترامي وتقديري لك

صح لسانك ي محمد
شاعر مبدع الله لايضرك
تحياااتي وتقديري الك

محمد العواد
صح لسانك مليون ولا يسدون
نص فاخر وفخم فخم لا ابعد الحدود
كما عهدناك يابو سيف ماهي غريبه
صح لسانك ولا الجم بنانك
مروري وتقديري
لاهنت

اخي العزيز ...محمد العواد شاعر لا يختلف على شاعريتك ثنين
بل مميز في كل ماتقدمة قصيدة كتبت بماء الذهب جاءت في سلوب شعري
مميز كلها حكمة اعجبتني في بنائها ومعانيها صح السانك حد رضاك وكل الشكر اخي الكريم

الله الله
ياسلام عليك يالعواد
وصح الله لسانك ملايين
كايفه ونايفه وجزله من شاعر جزل
دمت ودام مداد قلمك ورقي حرفك الشامخ
تقديري وتقييمي لسموك
النجلاء