ثنائية الشاعر ناصر الهواوي والشاعر حمد الحربي

من موضوع " أكمل النّص التّالي "

" القصيدة المشتركة "


الشّاعر ناصر الهواوي و الشاعر حمد الحربي


قالو من امس انشوف عندك هواجيـس
ووجهك عبوس اليـوم وين البشاشـه؟
استهد باللي يـرزقك وادحر بليـس
وان كـان ما ماشاك هالوقت ماشـه
مامن ورا ذكر السنيـن المرامـيس
الا التوتـر للفكــــر واندهـاشـه
هـمـوم وآهات وونيـن وعـوامـيـس
وسـكر وضـغط وبالمفـاصل هـشـاشـه
وتحـل من بعد اليـقين الوساويس
ويـصـبح خيالك للكوابـيـس شاشه
قلت اسكـتوا ماعاد بالعلم تدليس
قلب الرجابه مـخـلب الياس ناشه
ثم نكس امال اللقـا فيـه تنكيـس
والموت شافه قبــل موتـه وعاشـه
انشهـد انـه جـاد نوم الكوابـيس
وانشـهد ان الحال بـان ارتباشـه
وانشهد اني منـه فلسْــت تفليــس
والصـدر جـادت ضيقتـه وانكمـاشـه
ياللي تواسيني خفتْــك الكواليـس
اللي ورا هاجـوس فكــري وجاشــه
مير ابتعد عنـي همومـي كواديــس
ويني ووين اهل الفـرح والبشــاشه

غزلان ,محمد الغنامي ,محمد فراج معجبون بهذا

الله الله
صح لسانكـ يابو عبيد وصح لسانكـ يا حمد الحربي
جزلين ولا هي غريبه عليكم

وتسلم يمينكـ يا هماليل على النقل

حمد الحربي ,هماليل معجبون بهذا

ثنائي جميل
ونص جميل ورائع
ناصر الهواوي وحمد الحربي صحت الالسن
يالمبدعين نص مكتمل ورائع
والشكر الجزيل لمشرفتنا هماليل
على النقل للقسم
لاهنتو

حمد الحربي ,هماليل معجبون بهذا

صح لسان ابو عبيد على الابيات الطيبه وسعدت جدا بمالشاركه في مثل هالقصيده الطيبه
وصحت ابدان الجميع ولاهنتي ياهماليل على افرادك لها

تحيتي وتقديري

هماليل معجب بهذا

صحت السنتهم ولا هانوا شعارنا الكرام
هموله يعطيك الف عافية غلاي

الهواوي وحمد الحربي صحت السنتكم ولا هنتو يالجزلين