من جنوووون أبن فطيس "الدمع"

ليه المسا ~عوق الشقاوي~ وطبّـه

وليه الهبوب تصحي القلب لابات !
وليه القمر يدعي .. جريح المحبّه
ويقول له : يا هيه ما فات ما مـات
جرحك ظهر لو قلت للوجه {خبّـه}
وللحزن في ضحكك رسوم وعلامات
وليه المطر بالذات ريحـه .. وصبّه
كنّه رسول بيـن الاحبـاب بالذات ؟!
اشتـاق فيـه لـ شوفتك ,, واتنبّـه !
للي نسيته مـن مواقف ونظـرات ..
لا أستانس الخافق ذكر مـن ..يحبّه
ورجع يراجع فـ الوناسات مافـات !
يا مرتع القلب الحزين .. ومربّـه ..
يزيين بك مثل الذهب صدر الابيات
|هيهات| ينسى القلب شخص ٍ لعبّـه
وهيهات يدله خاطري منـك |هيهات|
سبك مديـح ,, ومدح غيـرك مسبّـه
تقول واذني صوتها تقول لك: هـات
ونبع الغلا عندك // وعندي مصبّـه
ومن الولا في خافقي لك ..ولايات
وطيفك حطب عيني .. وعيني مشبّـه
والشوق برد ٍ ما انقطع لو للحظات !
ومكانك الصدر ولك القلـب {شبّـه}
بين ,الضلوع، اللي فردها التنهـات
ولك .. بيـرق ٍ فالقلب حبـك يهبّـه
شامخ ولا هزه من العذل غارات !
محبتك .. فالوقت ذا ... ما تشـبّـه
إلا بخيمـة بـدو بين العمارات ...!
أن شفتني ضايق وأهوجس واسبّـه
أخاف غدر الوقت , والوقت دورات
لا تحسب إن دمعي نزل دون سبّـه
أبكي من الفرقا وهي مابعد جات ..
اليوم كـل امورنــا ... مستتبّـه !!
وبكره ماندري وش معه من مسرّات
اربّ قلبك مثـل { قلبي } اربّـه ...
ما يخلفه كثر( العذل والمسافات )

مما راق لي

راااائعه ..

صح لسان أبن فطيس ..وصح نقلك وذوقك الرائع ..

ونبع الغلا عندك // وعندي مصبّـه
ومن الولا في خافقي لك ..ولايات
وطيفك حطب عيني .. وعيني مشبّـه
والشوق برد ٍ ما انقطع لو للحظات !

هلابك حبيبتي
مروورك على متصفحي شررف لي

الوفاء طبعي

اختيار موفق وذائقه جميله

صح لسان شاعرها

ودام ذوقك الرفيع

مروري وتقديري

فوفو
قصيدة رآآآئعة ومميزة من قصائد ابن فطيس
ذآئقـــــة رآآآقية بالحيل ربي يسعد قلبك ويسلم ذووقكٍ
ودي لرؤؤحك ياغلاتي

نقل مميز تسلمين يافخامه
اختيار ذوووووووق ياذوق

هلابكم وبطلتكم
اسعدني توااجدكم لاتحرمووني