جعل الخيال اللـي تكاشـف مناشيـه

جعل الخيال اللـي تكاشـف مناشيـه=لا دن رعــاده وجـهـى ربـابـه
تفرح هل العـوس النجايـب بطاريـه=ويركد علـى نجـد العذيـه سحابـه
تسيـل وديانـه وتـروى خبـاريـه=وتـرد قلبانـه وتـزهـر هضـابـه
يصخي علـى دار الغـلا كـل مافيـه=الخيـر قبلـه والعطـايـا عقـابـه
وبمر من عود بيوسـف علـى ابيـه=اللـي فتـح بابـه ولا صـك بـابـه
تزيـن شوفـة كـل غالـي لغالـيـه=وتـزول كربـة كـل مغـرم صبابـه
واليا نزل دمعه علـى راحـت ايديـه=خلـه تـرا رزق الهـواوي هبـابـه
حفيت ورا طـرد المقفـي سماريـه=وقطـع اشفـاه مـن التوجـاد نابـه
ريح الصبا يشفـق عليهـا وتشقيـه=واليا لقا الصعـب العسيـر اشتقابـه
يلهـث وساعاتـه تسابـق ثوانـيـه=وأن مر به هاجـوس صـدره دوابـه
عـود علـى حلمـه يهـده ويبنيـه=ونوخ علـى حـزن الليالـي ركابـه
هـاذي حياتـه وولـه مثـل تاليـه=وماصاب قيس من الغرابيـل صابـه
والحاجه اللي تزعلـه قبـل ترضيـه=يرضابها لـو هـي سبايـب عذابـه
والعيد ل قبـل بينـات(ن) عصاريـه=والسيف الارخم قبضته مـن نصابـه
وانا خذيت من اطيب العـرف مابيـه=والفكـر حصـل مقصـده واهتنابـه
وتركت سوق(ن) كاثـرة(ن) ملاويـه=قفيـت ووجيـه الـعـواذل تشـابـه
ولولا هجوس(ن) بعض الاحيان تاتيه=حلفت ماضهر عقـب ماقلـت جابـه
((هذا قصيد(ن) كل خبل(ن) دبق فيه))=شطرا(ن) كتبه (العاطفـي) وعتنابـه
ولا الخطا وابـو الزعـل والمشاريـه=يفـداه مـن حـزن عليـه ودرابـه
حنـا لنـا مـدات وافعـال ووجيـه=لا ضاقت ب راعـي الهزيلـه ثيابـه
نطعمه وان يبسـت شفيـاه نسقيـه=ومافـي جمايلنـا بمثـلـه غـرابـه
وأن طاح في سود المشاريه ل ذنيـه=بنقوله : (ماقال ابو جفين )(كااااابـه )
لا بـارك الله ب الضعيـف وهقاويـه=نضحـك معـه نابـه ونبكيـه نابـه
تبعثـرت فـي درب همـه مقاضيـه=يـوم استـوت صرادتـه وانسحابـه
شطرا(ن) يحل الوضع مانيب راعيـه=من شاعر(ن) لا من بغى العسر جابه
خلانـي اعيـده وازيـده واغنـيـه=(( الرمح غالي والفريسـه ذبابـه ))

هلاا والله ويا مرحباا

حياك الله يالجزل والساعه البركه الي نشوف مثلك في رواسي
وصح صح صح لسااااااانك ليت ترضى سجل اعجابي وكل التقدير

راجح المشعلي

صح لسانك وبيض الله وجهك قصيده تستاهل الثناء

جزله من شاعر جزل

قسم بالله انها غسلت كبدي صدق ويادوب أطعمت للقصيد طعم

سجل مروري وأعجابي لك

تحياتي لك طال عمرك

:

:

رائعه وتغسل الروح فعلا..
صح لسانك مدد بلا عدد

راجح المشعلي
صح صح لسانك وقلبك يالغلا
قصيدة عااالية جدا في كلماتها وطرحها
اهنيك ع ابدااااااعك الغير محدود
انتظر جديدك المميز وراااقي
تحياتي لـــــ سموك

اقتباس:

المشاركة الأصلية كتبت بواسطة محمد الروقي

هلاا والله ويا مرحباا

حياك الله يالجزل والساعه البركه الي نشوف مثلك في رواسي
وصح صح صح لسااااااانك ليت ترضى سجل اعجابي وكل التقدير

الله يبارك فيك ولنا الشرف يالغالي وصح بدنك ومرورك تشريف منك لنا

اقتباس:

المشاركة الأصلية كتبت بواسطة نبض الوفاء

راجح المشعلي
صح صح لسانك وقلبك يالغلا
قصيدة عااالية جدا في كلماتها وطرحها
اهنيك ع ابدااااااعك الغير محدود
انتظر جديدك المميز وراااقي
تحياتي لـــــ سموك

صح بدنك وشاكر مرورك

اقتباس:

المشاركة الأصلية كتبت بواسطة محمد الغنامي

راجح المشعلي

صح لسانك وبيض الله وجهك قصيده تستاهل الثناء

جزله من شاعر جزل

قسم بالله انها غسلت كبدي صدق ويادوب أطعمت للقصيد طعم

سجل مروري وأعجابي لك

تحياتي لك طال عمرك

صح بدنك ووجهك ابيض ومرورك تشريف منك لنا