يا غلام يا وجه الفلس خاوي الراس

17-03-2018, 11:02 PM

‏

يا غلام يا وجه الفلس خاوي الراس=هزيمتك يا كبرها من هزيمه
امسيت في جوٍ خلاء ما به اوناس=والاذن صقهاء والقوايم سقيمه
بلاك من عرقٍ من الساس دساس=عرقٍ عليه من القدايم وسيمه
من خيبته يا طابخ الفاس منحاس=تهز راسك مثل راس البهيمه
تقول انا نبراس والجد نبراس=والسيل جاك ويتبع السيل ديمه
شد الحزام وجرد السيف عباس=وعنّ الحصان وحط فيه الشكيمه
وشب الشعار وجهز الرمح والطاس=وانهج مناهيج الرجال العديمه
وازهم حفيد الزير واحفاد ابو ياس=وحط الكلايف فوق شقراء وريمه
واركب على هرشٍ من النضو عرماس=عملي وساسه من ركابن مقيمه
واضبط معاني كلمتك يابو نواس=واعزم ترا عز الرجال العزيمه
وافتل بيوتٍ كنها صالي المأس=وان خانك التعبير ذب الخريمه
البوم ماينجب قطامي وقرناس=والصل ذبحه ما يسمى جريمه
هذا كلامٍ فيه تحذير مرماس=مرماس بولادٍ يقص السليمه

عيد بجاد بن شده

عبدالله الصقري ,شرهة ,محمد الغنامي و 1 آخرون معجبون بهذا