..بساط الريح,,

على بساط الريح يأخذني الطيـف=خاويت ظلّه يوم حظـي دعانـي
يوم ارتفعنا صار جوي على الكيف=الطقس رووعه والهواء شكل ثاني
من جد أسولف مو مجرد تخاريف=مدري على وين الخُرافي خذانـي
مدري بسماء نجد العذيه أوجنيف=نسيـت روحـي يالله المستعانـي
فوقي مزابير السحاب المراديـف=والاعب الهتـان لامـن غشانـي
واكتب بعيده عن عْيون الملاقيف=واجـرّ موالـي علـى ماطرانـي
جوله رهيبه ماتجي بالتواصيـف=أحلى ليال العمر والعمـر فانـي
والحيف كل الحيف ياحيف ياحيف=صحيت لينه حلـم وآنـا مكانـي !

الله الله الله

صح لسانك ولله درك جزاله غير مسغربه

أسجل أعجابي

دمتي بود

صح لساانك يالغلاا

شاعرة غنية عن التعريف

كلمة صح لسانك لا توفي بالغرض ولكن هذا هو الروتين بين الشعراء
فصح لسانك لين ترضت

والحيف كل الحيف ياحيف ياحيف
صحيت لينه حلم وآنـا مكانـي !

لله درك من شاعرة

على بساط الريح يأخذني الطيـف
خاويت ظلّه يوم حظـي دعانـي



والحيف كل الحيف ياحيف ياحيف
صحيت لينه حلم وآنـا مكانـي !


يـ آآه آسعد اللحظآت آلتي نعيشهآ مع من نحب
وآقسآهآ آن تكون حلمآ يتلآشى بين آعيينا ..
آمتعتنآ بحق يآشآعرتنا وصورتي
وآقع نعيشه لربمآ ..!

صح لسآنك .. وسلم آحسآسك ..
لآتحرمينآ هالتوجد ..

آسعدك المولى ..

يا سلام

صح لسانك مليون ولا يسدون

قصيده جزله ولاهي غريبه على شاعرة نجد

الله لا يضرك

تقبلي

مرووووري وكل التقدير

صح لسانك يالغلا
؛؛
لاهنتي

صح لسانك ياشاعرتنا ..

ابيات راااائعه راااقت لي

تقبلي مروري ..