عتب على الايام

عتب على الايام

ما ني بِندمانٍ على أيام زلت = ولا ني بولهانٍ على اللي بياتي
متساويٍ وقتي سعادة وولت = إسبورها متبـــــاينة في حيـاتي
يوم أشرقت شمس الحقيقة تجلت = الخبث عادة سيئين الصفاتي
طبع الردي بالقول دوم يتفلت = الهزل فاله لين وقت المماتي
ما جاوره بالأرض والروح ملت= مجلس هله متشابه فا لسماتي
ولا النشاما بالمراجل تعلت = كلٍ على فاله يحث الخطاتي
مثل المزِن لا من تراكم وهلت = حقايقه تسقى الجبل والفلاتي
ياطيبها لا من توارت وعلت = وأسقت قلوب ضاميه مسنياتي
زين المكارم به رجال تحلت = في جالهم ترقا سما يا غناتي
ما اقول نفسي من عنا الوقت كلت = أقول نفسي تعشق النايفاتي
يقوله اللي يذكر أيام زلت = يرجي السلامة والستر والنجاتي

فواز البقمي
6\ ربيع الأول 1431هـ

ياعسانا من الطيبين

ويكفينا الله شر بيوتك هذي هههه
من القلب عتب على الايام ومعها على بعض الاصدقاء

صح لساااااااااااانك لين تقول بس

أنت تعرف اخوك

وكلكم محشومين عن الردى واهل الردية

هي ردة فعل لا أكثر ولا أقل لأمر ما ..؟

والحياة تجارب وانا اخوك وعسانا كلنا من الغانمين

صح بدنك يالروقي ولا هنت يالقرم

مرور كريم من أخ كريم

تحيتي

صح لسانك اخوي فواز

قصيدة رائعة كروعة قلمك وبوحك

لاهنت ولالالالالا عدمناك

ماشاء الله عليك يافواز البقمى متنوع باشعارك

وكل قصيدة لها موضوع مميز كتميز الكاتب

فالله درك

ما اقول نفسي من عنا الوقت كلت أقول نفسي تعشق النايفاتي
وانت وصلت النايفه وقدرك عالي
صح لسانك فواز البقمي ولاهنت

صح لسانك شاعرنا فواز

جزله بلا شك ,, والمعنى في بطن الشاعر

,,

دمت بهكذا إبداع

,,

تقديري

الاخ والشاعر المميز .........فواز
صح السانك وبدنك وكلك قصيدة رائعه من شاعر اروع
اعجبتني في مضمونها وبنائها حقيقه شاعر تعرف كيف تتعامل مع ادواتك الشعريه
اجمل تحيه