ظلم الفراق

بسم الله الرحمن الرحيم
السلام عليكم ورحمة الله وبركاتة
أولاً أعتذر للجميع عن هذا الغياب , الدراسة ماخذة وقتي
وان شاء الله اكون متواجد بالفترة هذي , ف/أرجوا قبول العذر
مشاركتي وهي المشاركة الأولى في هذا المنتدى الرائع
قصيدة أتمنى أن ترتقي إلأى ذائقتكم

لـو المحبـة يالغـلا تمشـي علـى مانشتهيـه = ماكان شفت عروق قلبـي بالهـوى يرثـى لهـا
ولو الحزن لا جا على الرجال ماطبطـب عليـه = كان السنين الموحشـه صكـت عليـه غلالهـا
ولو السعـادة كـل أبوهـا نشتريهـا بالجنيـه = ماكان شفـت الحـزن دلـه والبشـر فنجالهـا
ما نيب م/تفلسف ولكن الحـزن طالـت يديـه = يعقـد بكفـة عقـدةٍ تصعـب علـى حلالهـا
كل مانتهـى حزنـي بقايـا ذكرياتـي تبتديـه = وماينتهـي ليـن السعـادة تعتـرف بهمالـهـا
حسبي على ظلم الفراق اللي غـرز بـي مخلبيـه = يومـه حرمنـي أكحـل المهـرة وأنـا خيالهـا
مدري من حظوظ الدهر وإلا من حظوظ النبيـه = بالحالتيـن الصبـر مفتـاحٍ يـفـك قفالـهـا
لا زال في صـدري غـلا والله مامثلـه شبيـه = لو ينتثر بعضـه علـى الدنيـا تـذوب جبالهـا
ياصاحبي لا تحدنـي أصافـح كفـوف السفيـه = ولا تجبر الأفـراح مـن جوفـي تشـد رحالهـا
قلي وش اللي تطلبه ؟ حاضر بكل اللـي تبيـه = هذي ضلوعي فدوتـك مـن جالهـا ل/جالهـا
ودي أضمك ضمـة المشتـاق ل/أمـه أو أبيـه = وطفي من الأشـواق جمـرة تشتعـل بلحالهـا
خذني على صدرك وخل الشوق يحكـي مالديـه = وإنت استمع للقصة اللي خافقـي يسعـى لهـا
من غبت ياعين الظبـي والـزاد ماعـاد أهتويـه = يمنـاي مـن دلـه غيابـك تممـت فنجالهـا
والضيقة اللي في خفوقي أصبحـت منّـه وفيـه = لقيـت لهـا بيـن الحنايـا حيـلـةٍ تحتالـهـا
لا جيت ابنسى من غلاته لاح طيفـه بالوجيـه = أضحك ونفسـي بالحقيقـه تشتكـي غربالهـا
وشلون يهجرني وأنـا بحبـه مخاشـر والديـه؟ = وشلون ترضى يالغلا روحـي تمـوت بفالهـا؟
وأنا على شانك ترى هلّيت دمعـي كـل ابيـه = وشلون ترخص دمعـةٍ لجلـك يهـل هلالهـا؟
إن كان جرحي يعجبك (إجرح) وش اللي تحتريه؟ = لكن تأكـد عزتـي منتـب كفـو ترقـى لهـا
وإن كان حبك بالمذله ذا تـرى بـدري عليـه = يعني : لبو حبٍ نـوى يرخـي جبيـن رجالهـا
بمشي على قول المثل (من باعنـي مـا أشتريـه) = لو كان بعده ينتـق عـروق الهـوى ويشتالهـا
أبيك تفهم شي واحد يشـرح اللـي باحكيـه = لو منت غالي هـ/ القصيـدة مانهمـر شلالهـا

,, ’’ واحد


والله الواحد ,,’’

وحجز فاخر للفاخر

ياهلا ويامرحبا ياعبدالرحمن ملايين ملايين

ولي عوده بأذن الله ستليق بهذا الطرح

الاخ والشاعر ....عبدالرحمن الحمد
صح السانك وبدنك على هذه الرائعه والتي تحمل من الشعر
اجزله ارويت الذائقه الشعريه بلاشك ورسمت اجمل العبارات من خلال
قصيدتك اجدت البناء بطريقة جعلتني اقف على ضفاف قصيدتك المفعمة بالحب
كثيراً وشهادتي فيك مجروحه اخي الكريم قصيدة سمعتها منك مباشرة وهائنا اقرائها
دمت ودام حسك الراقي ...يالبا العرب
اخوك

عبد الرحمن الحمد
صح لسانك مليار وتكرار
بأنتظار ما يفيض به قلمك
تحيااااتي لك

صح لساانك


لين ترضى جزله وطاروق رايع


تقديري لك

عبد الرحمن الحمد ..
صح الله لسانك وأعتلا شانك
قصيده عآنقت صفحآت الجمآل ..
رآئِع أخي الشآعر {آتحفتنآ بـ أجمل الكلمآت ..

دمت بـ قرب القلم"

أحسنت أخي العزيز/عبدالرحمن الحمد أحسن الله إليك

شكرا لك سيدي الكريم على إتحافنا بهذه الرائعة جدا

صح لسانك ، وبيض الله وجهك ، ولا فض الله فاك

دمت بسلام وسعادة وحب وألق أيها الأخ العزيز

ولا أروع شاعرنا

صح لسانك ولاهنت

للقصيدة الشامخة الجميلة