مرثية بعنوان : (( ذكراك يا يــمـَّـه ))..

بسم الله الرحمن الرحيم

السلام عليكم ورحمة الله وبركاته ..

أقدم لكم يا أحبائي مرثية لجدتي غفر الله لها ولجميع موتى المسلمين ...

ظـلام الليـل وسـكونه يـحرك كـل أشجانـي=علـى ذكـراك يـا يـمَّـه و دمعي فـاضح(ن) عينـي
ابـبـكي كـودِ دَمْـعاتـي تـســيّل كــل وديـانـي=و بــقطـف زهـرة الفـرقـى و بـرجيـها تسليني
و احـاول أرسـم البسمـه ولـكن زيفها باني=علـى شـط الـحـزن دنيـاي صارت لـه تـودينـي
مـكانـك ثابـت بقلبـي وجانـي ثـمّ واسانـي =وقـال البُعـد مـحتـوم(ن) و طاري بُعْدهم شـيني
ومـهما طالت أيامك مصيرك يالفتى فاني =ولـو عمـرك غـدا مـجموع لسنينك مع سنيني
تـرجـيتـه يـرد اللـي سـرا عنـي وخـلاني=تـرجيـتـه مـع الأحـبـاب لــو لـحـظـة يـخلـيـني
تعذر مطلبي واقـفى ونادى باقي أحزاني=بـَعـَدهـا صـارت الـفـرحه تـعانـدني و تـجافيـني
وحط الهجْر له في داخل الشريان نيشاني=وصـار الـدمّ بَـعْروقـي يــنـادي ويـنــك و ويـنـي
عسـانا بْجَنَّة الفردوس يا يمّـاه جـيـراني=عـسـانـا نـجتـمـع بـالـروضـة اللـي طـلعـها تينـي
ونضحك مثل ما كنـّا بسالف وقتنا الفاني=و اشـوفـك يا بـَعَـدْ حالـي مثـل مـا انتِ تشـوفيني

.
==================

وسلامتكم ..

الشاعر / ياسر بن صالح البهيجان
.

ياسر البهيجان

صح نبضك وشريانك

وأسأل الله العلي العضيم الجنة لوالدتك

وان يجمعك بها في الفردوس الأعلى ( أمين )

أتقنت البوح وأجزلته

دمت ودامت هالشاعريه بكل خير

كن هنا دائمآ

الله يِرحم جدتِك ويِسكنهآ فسِيح جنآتِه
ويِجعل قبرهآ رَوضَه من رِيآضْ الجَنهْ ..
قصيده غريقه بـ الحزن والآآه ..
صح لـ سآنِك يالشآعر القديرْ يآسر البهيجآن ..
وسلمت كفيّك .. دمت بخير ..

أحسنت أخي العزيز/ياسر البهيجان أحسن الله إليك

شكرا لك سيدي الكريم على إتحافنا بهذه الرائعة جدا

صح لسانك ، وبيض الله وجهك ، ولا فض الله فاك

رحم الله جدتكم ، وغفر لها ولجميع أموات المسلمين

دمت بسلام وسعادة وحب وألق أيها الأخ العزيز

صح لساانك ياياسر

وعسى الله ان يغفر لها ويغفر لاموات المسلمين

تقديري لك

رائعه واكثر
سلمت يمينك يالرائع
وصح لسانك ولاهنت