السلام عليكم بعد غياب رجعت بهذي اتمنا تنال اعجابكم

من ثمان ايــام قـلـبـي يشتعل والنوم وينه
بعد شفت النجمه اللي كـمـل الخالق حلاها

جيت اكـلـمـها وقـالـت لـي انـا مهره ثمينه
ما يـشـاركـنـي بقـلـبـك مـهـرةٍ تعشق ثراها

قلت يا بـشـراك محدن تسكن اللي تسكنينه
قالت الا تـسـكـن اللــي ما تـحـب الا رضاها

قـلـت كــان وكان فـعـلاً ماضين لا تذكرينه
السنين اللي مـضت في المهمله قلبي رماها

قلت ابيك وقالت اثبت قلت عمري لو تبينه
والله ان اعطيك عمـري والحـياه ومحتواها

قالت احـلـف قـلـت واللـي عز مكه والمدينه
انـك اللــي مـا مـلـكـنـي مـن العباد الا غلاها

قالت اسـمـع قلت كـلـي صـاغي لما تهرجينه
قالت اجروحـي القديمه يا عسا تعرف دواها

قلت جـرحـك لو تشيلي من غـلاي وتدهنينه
والله ان تشفا الجروح الماضيـات وما وراها

قالت اقدم قلت وصلي الحين لا تستعجلينه
اصبري والـصبـر يـعـنـي فرحةٍ يشرق ضياها

والعهد ما احب غيرك في الزمان وفي سنينه
لين شمس الوصـل تشرق بالمحبه في سماها

والوفا عـقـب البطا يـوم الوصال بـ تحصدينه
قـالـه اللـي مـا يـعـود بـكـلـمـتـه لامـن حكاها

شـاعـرك وان فـاح بـوح الشعر فيك تحصلينه
اكتب ابـيـات الشـعر بـ اسمك ولو غيرك قراها

فيك شفت اللي ماشفته في الهزيله والسمينه
زين واخـلاق وحـلا وعـيـون تـذبـح من يراها

بالـمـفـاتـن طاغـيـه وان جـات للحكمه فطينه
والـخـصـال اللـي يشوش كـل وافـي لا طراها

يا عساني ارحــل وازور القبر قبل أن تدخلينه
الـحـيـاه بـدونــك اكـبـر نـار يـحـرقـنـي لضاها

الشاعر بشير العتيبي

الخالدي ,سحاب ,محمد الغنامي و 3 آخرون معجبون بهذا

ملكة الرواسي ,الجووهره ,خيال مطير

أرحب أرحب ياسفيرنا
نورتنا بعد غيبه
صح الله السانك وطاب فالك . وبيض الله وجهك
أبيات جزله من راس جزل
وتقيمي لسموك

هلا بك شآعرنا بعد الغيبه
وآخر الغيبآت ان شاء الله
ومن طول الغيبآت جآب الغنآيم
أبدعت وأمتعت شآعرناااا
صح لسآنك مليوون ولا يكفوون
ويعطيك العآفيه على هالرآئعه

هلا بك شاعرنا
الحمد لله على السلامة وآخر الغيبات
يعطيك العافية ولا هنت

خيال مطير معجب بهذا

اقتباس:

المشاركة الأصلية كتبت بواسطة خيال مطير

أرحب أرحب ياسفيرنا
نورتنا بعد غيبه
صح الله السانك وطاب فالك . وبيض الله وجهك
أبيات جزله من راس جزل
وتقيمي لسموك

البقا يا عقال راسي و وجهك ابيض انفداك يالامير الجزاله اقتبسها من بحر ابداعك الضافي ومن سمو حرفك يالامير

اقتباس:

المشاركة الأصلية كتبت بواسطة الجووهره

هلا بك شآعرنا بعد الغيبه
وآخر الغيبآت ان شاء الله
ومن طول الغيبآت جآب الغنآيم
أبدعت وأمتعت شآعرناااا
صح لسآنك مليوون ولا يكفوون
ويعطيك العآفيه على هالرآئعه

بالمهلي يالاميره الله يطول بعمرتس والابداع منبع سموتس الكريم الله يجملني معاكم ويجعلني عند حسن الظن

اقتباس:

المشاركة الأصلية كتبت بواسطة ملكة الرواسي

هلا بك شاعرنا
الحمد لله على السلامة وآخر الغيبات
يعطيك العافية ولا هنت

بالمهلي يالاميره انفداتس والله يسلمتس من كل شر والله يعافيتس ويطول بعمرتس شرفني تواجدتس يالوافيه

بشير العتيبي
صح لسانك واعتلا شانك
مبده وجزل كما عهدناك شاعرنا
سجل اعجابي وتقديري

ولك اجمل تحيه