طريق المجآهيل

بسم الله ابدأ في طروق و موآويل
يوم اونست نفسي للـ اشعـآر فآقه

على نجـوم الليل بـ اكتب مرآسيـل
و ابروز المعنى بـ شوق و شفآقه

أستـشهــد ايَّــآم ٍ علينـا مطـآويــل
و هَـم ٍ على الخفَّـآق زآد اختنـآقـه

و آزيِّـن غْنـآتـي بـ ليـل التعـآليــل
ليـل ٍ سـمـرتـه ما يِـهَــدِّي رفـآقـه

لـيـل ٍ عليه مْن الـحبَيِّب تـمـآثـيـل
يرسمْه من رآسه لـعرقوب سآقـه

صَوَّر خليلي بين مسموح ومحيل
كسـآه من صبـري بـ فرقـآه طآقه

و اَشعَلْـهْ في قلبي خيآل و قنآديل
مـا كنَّـه الَّا بـيـن الافـلآك بــآقـــه

متـلآلي بـ غيـم ٍ مـذآريـفـه تْسيـل
برقه يشبّ الموج و الموج سآقـه

سَلَّم عليّ بـ النّور و الكف ما طيل
كلَّمني بـ لهجـة خـلآيـق مـعــآقــه

و اقفى وعنـوآنـه طريق المجآهيل
بيـن الرجـا و اليـأس حـدَّد نطـآقـه

و بيـن الـسنيـن الفآيتـه والمقآبيـل
أوعَـد بـ جَيَّه وما حصل لي عنآقـه

يا كيف يصبر رآعي الحب و يشيل
و الـقلب شريـآن و وريـد و رقآقـه

أوَّل مصـآيـبنـا مـن القـآل و الـقيـل
من كـل حـآســد مجتهـد في نفـآقـه

واتلى المصآيب مالقى الميل تعديل
خوفي على المجروح يخسر سبآقه

وشعـآد لـو بَيَّـن على الوجـه تنكيل
هـقــوآك للـغــآلـي يـكـبّ اشتيـآقــه

مــا ظنّتي مهـمـا تِـقـلّ الـتسـآهـيـل
ينسى الـولآيـف من تـعـكَّـر مـذآقـه

الجووهره ,ملكة الرواسي ,رحيل معجبون بهذا

الله الله
الإبداع لا يستغرب من اهل الإبداع
صح لسانك الى مالا نهاية على هالرائعة
ولاهنت

خيال مطير ,عبدالله الصقري معجبون بهذا

صح بدنك و سلم نبض قلبك
تسلمين على هالإطرآء و شاكر لك مورورك العذب العطر
دمتي بكل خير و محبه
ولك ودي و تقديري و احترامي

رحيل ,خيال مطير معجبون بهذا

صح لسانك يالغااالي
احترامي
لسموك

عبدالله الصقري معجب بهذا

صح بدنك و كلك يا اميرنا
ولك أجمل و أعز و أحلى تحيه

الله عليك شاعرنا
صح لسانك ولا هنت نص راقي برقيك

عبدالله الصقري معجب بهذا

صح بدنك و كلك
و صبَّحك ربي بالرضا والسرور
دمتي بكل خير و محبه ولك كل الود و التقدير و الاحترام

قصيده راائعه وأبيات جميله
صح لسآنك شآعرنااا
ويعطيك العافيه
على هالرآئعه

عبدالله الصقري معجب بهذا