بشابيش الافاعي تتطوى

ياكثر هرج الناس في تالي الوقت=أفلان سوى أيه وأفلان سوى
وصار الحسد وارد وأنا ماتوقعت=وقامت بشابيش الافاعي تطوى
والناس فيها خير ماقول ماشفت=بس أقصد اللي فالاوادم تلوى
ياصاحب الغيبه علامك تضايقت=علتك عله داخل الصدر جوى
تخسر الحسنه بهرجك ولا زلت=تسب خلق الله وتشتم بقوى
ترى الصقور النادره لو تطلعت=ماوقعت في جنب باشك وبوى
ارسالتي مضمونها لو تفطنت=ماتجرحك بالعكس تعطيك قوى
خل العرب في حالها لا تجولت=وكلنا منّ نسل آدام وحوى

صـدووودٓ ,مجيد الجنابي ,رحيل و 3 آخرون معجبون بهذا

الملكة ,النجلاء ,نور

صح لسانك يا احمد

تقبل مروري مع اجمل التحايا

صح بدنك ابو عواد ولاهنت على المرور


تقديري

الله الله
احمد السليمان
صح لسانك مليون ولاتهون
نص عذب وجميل جداً
اعجابي وتقديري
لاهنت

حرُووفْ~ عَذْبّه كَلمَاتْ نقِّيهـ


ونقووول يارب ((اجعل كتابي في عليين واحفظ لساني عن العالمين ))
تقديري واحترامي لك اخي

ياسلام راااااااائعه
صح لسانك ياحمد وبيض الله وجهك
تقبل مروري وتحياتي

صح الله لسانك ملايين شاعرنا
ابدعت وامتعت كما تعودنا من سموك الابداع والامتاع والحضور المميز
دمت ودام مداد قلمك ورقي حرفك الفاخر
تقديري لك
النجلاء
تم تنسيق القصيده بواسطة النجلاء

صح لسانك ولا هنت ابيات جميله
يعطيك العافية